Компанијата за развој на вештачка интелигенција „xAI“ во сопственост на Илон Маск го претстави својот најнов модел со вештачка интелигенција Grok 3, за кој тврди дека е подобар од ChatGPT на „OpenAI“.
Маск рече дека „Grok 3“ е „најпаметната вештачка интелигенција на Земјата“ и дека „xAI“ ги надминал ChatGPT, како и Gemini на „Google“, „DeepSeek“ и Claude на „Anthropic“, во тестовите за перформанси во областите на науката, математиката и програмирањето.
Милијардерот Маск, исто така основач и челник на вселенската компанија „SpaceX“ и производителот на електрични автомобили „Tesla“, во пренос во живо рече дека Grok 3 има „повеќе од десет пати“ компјутерска моќ поголема од претходниот модел Grok.
xAI потврди дека Grok 3 ќе биде достапен за претплатниците на Premium+ на X, социјалната платформа која исто така ја поседува Маск, и ќе биде дел од новата претплата наречена SuperGrok која ќе вклучува пристап до мобилната апликација и веб-страница Grok.
Тврдењето на Маск дека Grok 3, има подобри резултати од ChatGPT, кое сè уште не е независно потврдено, дополнително го интензивира неговото ривалство со „OpenAI“ и неговиот шеф Сем Алтман.
Маск учествуваше во создавањето на „OpenAI“ со Сем Алтман во 2015 година, но си замина, а по заминувањето на Маск во 2019 година „OpenAI“ создаде профитна подружница која привлече милијарди долари во финансирање, што предизвика обвинувања од Маск дека стартапот ја прекршил својата првична мисија ставајќи го профитот пред поширокото јавно добро. A минатата седмица тој понуди да ја купи компанијата за 97,4 милијарди долари, што одборот на директори на Алтман и „OpenAI“ го одбија.
Алтман ја отфрли понудата како тактика за забавување на ривалите во областа на вештачката интелигенција, во која и натаму доминираат големите компании со седиште во САД, иако ненадејната појава минатиот месец на „DeepSeek“ како поевтина кинеска алтернатива која троши помалку енергја ја потресе таа перцепција.
Сепак, се чини дека ова сè уште не ја намали желбата за инвестирање во компании за вештачка интелигенција. Постојат извештаи дека „OpenAI“ е во преговори за собирање околу 40 милијарди долари во нов круг на финансирање што би ја зголемил неговата проценка на околу 300 милијарди долари.
