37
Општина Брвеница го финализираше поставувањето на бехатонски плочки на улицата „Капуч маало“ во селото Челопек, со што се подобрува квалитетот на живеење и движењето на жителите во овој дел од општината.
Проектот, чија вредност изнесува 2.683.408 денари со вклучен ДДВ, е целосно финансиран од општинскиот буџет. Според градоначалникот Јовица Илиевски, ова е уште еден пример за посветеноста на локалната самоуправа кон развојот на инфраструктурата и ефикасното управување со јавните финансии.
„Продолжуваме со инвестиции во подобрување на локалната патна мрежа и условите за живот на нашите граѓани“, изјави Илиевски.
