И Бајден му ја честиташе победата на Трамп

По Камала Харис, и aктуелниот американскиот претседател Џо Бајден телефонски му честита на својот наследник, републиканецот Доналд Трамп, за победата на изборите за претседател на САД.

Во разговорот, Бајден ја нагласил важноста да се работи за зближување на САД и го поканил Трамп на средба во Белата куќа. Датумот за средбата, според официјален претставник на Белата куќа, ќе биде прецизиран наскоро.

Освен со новоизбраниот претседател, Бајден разговарал и со актуелната потпретседателка Камала Харис, „честитајќи ѝ за нејзината историска кампања”.