Вечерва, на 10. јануари во „Буква“ во Скопје со почеток во 21:15 часот ќе одржи мини концерт триото Букршлиев/Новковски/Спировски.
Новата година дојде, но старата потреба за фри-џезирање кај едните исти фри џез битанги остана иста, ако не и поголема. Букршлиев/Новковски/Спировски е неформално трио, со еден или можеби два претходни настапи, но со взаемно поклопување на членовите во минимум осум други групи и на минимум дванаесет досега издадени албуми. Се разбира, таа бројка ќе стане многу поголема, сите го знаат тоа, но ајде прво чекор по чекор. А првиот чекор е токму овој настап во Буква, овој петок. Дојде, ќе биде пријатен новогодишен амбиент, со пријатни фри џез хитови, кои многу лесно може да станат и не толку пријатни. Фантастично, зар не?“, стои во објавата за настанот.
