Home » Холандското кралско семејство веќе нема да се вози во златна кочија

Холандското кралско семејство веќе нема да се вози во златна кочија

by Журнал.мк

Членовите на кралското семејство во Холандија ќе престанат да ја користат златната кочија со која се возат со векови, поради нејзината поврзаност со ропството, објави кралот Вилем-Александер. Ова доаѓа откако некои критичари укажаа дека една страна од кочијата е украсена со слика која го слави колонијалното и освојувачко минато на земјата. Вилем-Александер призна дека кочијата е навредлива за голем број луѓе и ја повика земјата да се соочи со своето колонијално минато.

Контроверзната слика на кочијата е наречена „Посвета на колониите“. Таа прикажува црнци и Азијци, од кои е еден клекнат, и кои ѝ даваат подароци на бела млада жена која седи, а која на сликата ја симболизира Холандија.

Во златната кочија никој не се возел од 2015 година и оттогаш е изложена во Музејот на Амстердам. Таа се користеше да ги превезе холандските монарси на отворањето на парламентот.

Лани, градоначалничката на Амстердам, Фамке Халсема, се извини за улогата на градот во трговијата со робови.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More