Граната од Прва светска војна пронајдена во нива во Новаци

Во нива во Новаци била пронајдена граната од Првата светска војна, информираат од МВР.

„Вчера во 08.15 часот во Полициското одделение Новаци, С.Т. од с.Долно Агларци, општина Новаци, пријавил дека во негова нива во селото била пронајдена граната. Пиротехничар од Дирекцијата за заштита и спасување Битола безбедно ја подигнал гранатата, при што било констатирано дека се работи за артилериска граната калибар 105 мм од Првата светска војна“, информираат од МВР.