105
Градоначалникот на Пласница Алија Јаоски, се јави на социјалните мрежи и побара помош со пожар кој е над селото. Тој вели дека било пријавено и во полиција и во пожарна, од каде добил одговор дека имало други места за гасење. Затоа повика кој може да дојде за да се спречи пожарот да се прошири кон куќите.
„Да ве замолам, во долниот дел на Пласница има пожар, има доста ветер може да го прошири. Кој е слободен, да дојде да можеме да го санираме. Контактирана е полицијата, и пожарната, нема никаква поддршка, ни рекоа дека има поопасни места. Кој има од поголеми трактори да дојде да можеме да ги ископаме нивите да го прекинеме пожарот“, вели Јаоски.
