Google денес ја ажурираше својата апликација Gemini за iOS со додавање на интерфејс прилагоден за iPad, овозможувајќи ѝ на вештачката интелигенција да го искористи целиот екран на iPad уредот.
Апликацијата Gemini беше компатибилна и со iPhone и со iPad уште од нејзиното лансирање, но до најновото ажурирање, при користење на iPad, се прикажуваше интерфејс со големина на iPhone. Најновата верзија на Gemini додава оптимизација за iPad, како и можност за додавање на Gemini виџет на почетниот екран и интеграција со Google Photos.
Што e ново:
- Gemini сега има апликација со целосен екран, оптимизирана за iPad
- Може да се додаде како виџет на почетниот екран
- Може да се поврзе со вашата Google Photos библиотека
- Подобрена корисничка површина и поправени грешки
Апликацијата Gemini за iPhone и iPad им овозможува на корисниците пристап до вештачката интелигенција на Google – Gemini. Таа се поврзува со апликации на Google како што се Search, YouTube, Gmail и Google Maps, и нуди можности за истражување, генерирање слики, алатки за учење и идеи за креативно размислување.
Gemini е бесплатна за користење, но Gemini Advanced – понапредна верзија на Gemini – бара претплата на Google One AI Premium. Цената на оваа претплата е 19.99 долари месечно, што е конкурентно на сличните понуди од Anthropic и OpenAI.
