35
Трката за Големата награда на Монако останува во календарот на Формула 1. Иако имаше најави дека можеби нема да се вози во иднина во Монте Карло, тоа засега нема да се менува. Се зборуваше дека трката во Монако е здодевна, опасна и против сегашните стандарди на спортот, меѓутоа традицијата и овојпат победи.
Директорите на трката во Монако се договорија со Формула 1 и потпишаа продолжување на договорот до 2031 година.
Оваа година навивачите во Монте Карло по долго време дочекаа свој „домашен“ возач да победи бидејќи најбрз беше Шарл Леклер. Во 2025 година ќе се одбележи јубилеј и 75 годишнина на оваа патека.
