Денеска одржав важен состанок со претставници на 27 невладини организации кои работат во областа на заштитата на животната средина, на која го презентирав Конкурсот за распределба на средства од Програмата за инвестиции во животната средина за 2025 година, конкретна можност за финансирање проекти и иницијативи кои ја штитат и подобруваат нашата животна средина.
Нагласив дека целта на оваа Програма е да поттикне одржливи акции во насока на заштита на животната средина, директно придонесувајќи за подобрување на здравјето и благосостојбата на нашите граѓани.
Средствата за реализација на проектите се обезбедуваат од одржливи извори: еколошки такси за регистрација на возила, такси за кеси за пазарење, такси од оператори со интегрирани А еколошки дозволи, како и од други владини служби.
Средствата собрани од граѓаните се враќаат во нивна корист, во проекти кои имаат директно влијание врз квалитетот на животот.
