24
Ова не е естетска интервенција, туку составен дел од третманот на пациентките со рак на дојка, рече директорот на ФЗО.
Годишно до 150 пациентки заболени од рак на дојка ќе можат да направат реконструктивни операции на товар на Фондот за здравствено осигурување, најави директорот на ФЗО, Сашо Клековски.
Операциите ќе се изведуваат на Клиниката за пластична хирургија во рамки на заеднички буџет со Клиниката за торакална хирургија.
– Поставувањето на оваа услуга во условен буџет ќе спречи префрлување на одговорноста. Ќе овозможи директно плаќање според потребите на пациентите. Ова не е естетска интервенција, туку составен дел од третманот на пациентките со рак на дојка – изјави Клековски.
