Home » Ги оставила трите деца во автомобил на 38 степени речиси еден час и отишла на шопинг

Ги оставила трите деца во автомобил на 38 степени речиси еден час и отишла на шопинг

by Журнал.мк

Полицијата во Сан Антонио уапси мајка која во пеколно топол ден ги оставила своите три деца во автомобил и отишла да пазарува!

Како што јави Си-Ен-Ен, трагедијата била избегната откако еден од минувачите случајно ги видел децата заклучени во возилото и повикал полиција.

Полицијата добила дојава дека во возило чиј мотор бил исклучен има деца, што укажува дека климата не е вклучена, соопшти полицијата, додавајќи дека во автомобилот имало деца на возраст од еден месец, две и четири години.

„Мајката на децата, осомничената, е пронајдена на лице место и рече дека влегла во продавницата и не сфатила колку време поминало. Според информациите што ги собравме, децата биле сами во возилото околу 50 минути“ – соопшти полицијата.

Уапсената е идентификувана како Анџела Гарза Амадор. Случајот се случил на 28 јуни и таа е обвинета по три точки, вклучително и напуштање дете. Таа е ослободена со кауција еден ден подоцна.

Минувачката, која сакала да остане анонимна и која е заслужна за спасувањето на децата, вели дека била на пат кон продавница за детска опрема кога забележала момче во автомобил паркиран до нејзиниот.

„Мојот мајчински инстинкт проработе и погледнав поблиску и видов уште две деца. Повикав полиција. Вратата од автомобилот не беше заклучена и со децата чекав да дојде полиција. Постарото момче беше влажно од пот и плачеше. Како да се обидуваше да земе здив“, рекла таа и продолжила:

„Многу родители мислат: Во ред е, веднаш ќе се вратам. Но, толку многу може да се случи во таа временска рамка“.

„Живеам од другата страна на градот, десет години не сум бил таму во таа продавница во која одев. Чувствувам дека Бог буквално ме испрати таму поради тие деца”, додал друг минувач кој исто така помогнал со децата.

Температурата во областа Сан Антонио во тоа време била 37,7 степени Целзиусови. Табелата на Националната метеоролошка служба која ги споредува надворешните и внатрешните температури на автомобилот покажа дека по еден час во автомобил со надворешна температура од 33 степени, таа може да достигне 54,4 степени.

Децата се пренесени на лекување во болница и се очекува истиот ден да бидат пуштени од болница, се вели во прелиминарниот полициски извештај.

Од почетокот на оваа година има најмалку седум смртни случаи на деца во автомобили оставени на сонце.

Најмалку 1.090 деца загинале во вжештени автомобили низ САД од 1990 година.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More