Како што германската економија продолжува да попушта, помалку компании планираат да вработуваат нови работници, додека повеќе размислуваат за отпуштања, покажува новото истражување на институтот ИФО.
Месечниот барометар за вработување на институтот, кој се базира на редовно истражување на околу 9.500 германски компании, повторно падна во последниот извештај во четвртокот, јавува ДПА.
Барометарот сега го достигна најниското ниво од почетокот на пандемијата во 2020 година. Сепак, за разлика од времето на глобалната епидемија, овогодишниот пад не е ненадеен крах, туку речиси континуиран пад.
„Малку компании вработуваат нови работници“, вели авторот на истражувањето Клаус Вохрејбе. „Но, се зголемува уделот на компаниите кои сакаат да го намалат бројот на вработени.
Првенствено индустриските производители и трговците на мало планираат отпуштања, според истражувањето.
