Home » Германскиот Бундестаг го усвои предлогот на опозицијата за построга миграциска политика

Германскиот Бундестаг го усвои предлогот на опозицијата за построга миграциска политика

by Журнал.мк

Германскиот парламент денеска и покрај силното противење на канцеларот Олаф Шолц, го усвои рестриктивниот предлог на опозициските демохристијани за миграција и азил.

Предлогот беше изгласан со помош на гласовите на десничарската Алтернатива за Германија, при што 348 пратеници гласаа за, 345 беа против и 10 воздржани.

Овој предлог не е правно обврзувачки за владата, но ќе го зголеми притисокот за преземање мерки за миграцијата, пренесува лондонски Гардијан, наведувајќи дека ова гласање ќе му укаже на лидерот на опозициската ЦДУ/ЦСУ, Фридрих Мерц, дека има парламентарно мнозинство што би можело да ја принуди владата да прифати соодветни решенија во оваа област.

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk