Најноворо гејминг глувче за натпреварувачки игри од компанијата Pulsar ќе помогне при ладење на дланките за време на интензивни мечеви.
Pulsar е компанија што произведува опрема за гејминг, а овојпат се здружи со фирмата Noctua, позната по тивки вентилатори во препознатливи кафеави тонови. Резултатот од нивната соработка е лесниот Feinmann глушец, дизајниран како решение за гејмерите на кои им се потат дланките. Овој глушец има вграден 4×4 Noctua вентилатор.
Ова не е првпат компјутерски вентилатор да биде вграден во гејминг глушец, но е првпат да се користи премиум вентилатор од брендот Noctua, кој создава минимална бучава. Гледајќи го унапредениот дизајн на глушецот Feinmann, јасно е дека се работи за фантастична комбинација. Глушецот на Pulsar веќе има големи отвори на неговата обвивка за да биде лесен, а тие отвори се идеални за вентилатори. Користењето на овој глушец нема да ве направи подобар гејмер, но ќе избегнете влажни дланки.
Станува збор за глушец направен за натпреварувачки гејминг, па ги дели спецификациите со оригиналниот Feinmann кој има сензор од 32.000 DPI и ултрабрза стапка на анкетирање (polling rate) од 8.000 Hz.
Имајќи го предвид дополнителниот елемент, новиот глушец е потежок од оригиналниот за 65 грама, а батеријата му трае од 10 до 11 часа. Глушецот сè уште е прототип кој беше достапен за демонстрација на саемот Computex 2025, но се очекува да се појави на пазарот годинава. Feinmann чини 179,95 долари, така што новиот модел најверојатно ќе биде уште поскап.
