Home » Франција за време на претседавањето со ЕУ ќе биде пример во примената на анти-ковид мерките

Франција за време на претседавањето со ЕУ ќе биде пример во примената на анти-ковид мерките

by Журнал.мк

Франција, која на 1 јануари го презеде шестмесечното претседавање со Советот на Европската унија (ЕУ) од Словенија, ќе биде пример во спроведувањето мерки против епидемијата на коронавирус, соопштија денеска француските власти.

Со цел навремено да се реагира на развојот на ситуацијата со коронавирусот, секоја втора недела ќе се одржуваат состаноци на претставници на француските власти задолжени за претседателството со ЕУ и претставници во Брисел.

На тој начин ќе се формулираат препораки за форматот на состаноците во рамките на претседавањето со ЕУ, кои ќе се одржуваат во Франција. Овие препораки ќе важат само четири недели, а потоа ќе бидат ревидирани во согласност со епидемиолошката состојба.

Во зависност од епидемијата на коронавирусот, состаноците ќе бидат виртуелни, со физичко присуство или комбинација од двата формати.

Во согласност со актуелната епидемиолошка состојба, од кабинетот на францускиот премиер Жан Кастекс најавија дека до 23 јануари во земјата ќе се одржуваат само многу важни состаноци со физичко присуство, со намален број членови на делегациите.

Француските власти додаваат дека странските делегации кои доаѓаат во Франција ќе мора да ги почитуваат важечките правила за патување.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More