Фудбалерите на Реал Мадрид го обновија возниот парк – добија нови “BMW” автомобили по свој избор.
Ова е трета сезона откако “BMW” е спонзор на Кралскиот клуб, а играчите на Реал Мадрид можеа да избираат од пет различни модели: “iX2”, “iX, i5”, “i7” и “XM”.
Најскапите модели ги избраа Лукас Васкез и Винисиус Јуниор – тие во иднина ќе го возат “BMW i7 M70 xDrive” кој чини 186.650 евра и има 659 коњски сили. Килијан Мбапе и Џуд Белингем го избраа “BMW XM”, кој вреди 179.000 евра и има 653 коњски сили.
Истиот модел го избраа и хрватскиот играч за врска Лука Модриќ, како и Родриго, Дани Карвахал, Тибо Куртоа, Дани Себаљос, Давид Алаба и Фран Гарсија.
Арда Гулер, Брахим Дијаз и Едер Милитао го избраа моделот “BMW i7 xDrive 60” кој има 544 коњски сили и чини 139.550 евра, а Андриј Лунин, Феде Валверде, Едуардо Камавинга и тренерот Карло Анчелоти го избраа “BMW i5 M60 xDrive” со 601 коњски сили во вредност од 114.450 евра.
Ендрик и Ферлан Менди одбраа “BMW iX xDrive50” вреден 108.650 евра, додека Хесус Ваљехо избра “BMW i5 xDrive 40” вреден 79.500 евра.
Најскромни во изборот на автомобили беа Антонио Ридигер и Орелиен Чуамени, кои го избраа “BMW iX2 xDrive30” вреден 58.550 евра.
