Глумицата Хали Бери импресионираше со своите модни комбинации за време на овогодинешниот Кански филмски фестивал, а последниот ден од фестивалот не беше исклучок.
Хали се појави на церемонијата на затворањето во долг бел чипкаст фустан кој беше делумно проѕирен. Таа го истакна својот тесен струк со тенок ремен со машна.
Хали претходно им изјави на медиумите дека морала да ги промени облеките поради новите правила во Кан. „Имав одличен фустан од Гупта, но не можам да го носам бидејќи е преголем. Морав да го преправам. Но, делот со голотијата е веројатно добро правило“, рече таа претходно на прес-конференција.
Поради различните комбинации на облека во претходните години, Канскиот филмски фестивал го заостри дрес кодот на црвениот тепих пред самиот почеток. За да се обезбеди пристојност на фестивалот, организаторите прво ги забранија таканаречените голи фустани.
Потоа донесоа уште неколку правила. Носењето „волуменски фустани или фустани што се влечат“ се забранети, како и пристигнувањето во „голи фустани“ со цел „да се обезбеди поголема пристојност“. Сепак, многумина ги прекршија тие правила.
