Дека уживаат во нивната врска говори и тоа што двајцата не ја симнуваат насмевката од своите лица, па на социјалните мрежи се појави фотографија на која се среќни и насмеани.
Хрватската пејачка Даниела Мартиновиќ е среќна и вљубена во криминалистичкиот инспектор Јосип Плавиќ.
Откако во март годинава во јавноста го претстави своето момче, пејачката не ја симнува насмевката од лицето.
Јосип не се одвојува од неа и секој слободен момент го користи за заедно да го поминат.
Даниела и нејзиниот сакан биле гости на прослава во Брежице, Словенија, на која присуствувала и водителката Мирна Марас, која на својот инстаграм-профил споделила дел од атмосферата.
Пред вљубената двојка била поставена торта во форма на печење, која ги насмеала гостите.
– Јосип и јас сме повеќе од убава двојка. Но, кога станува збор за мојот приватен живот, не сум многу добра во зборување, но навистина сум исклучително среќна. Јосип е моето пристаниште – кратко изјавила Даниела.
Да потсетиме, Даниела Мартиновиќ пред Јосип беше во долгогодишна врска со хрватскиот пејач Петар Грашо, кој подоцна среќата ја најде покрај Хана Хуљиќ, со која љубовта ја круниса со брак, во кој ја добија ќерката Алба. А како љубовен епилог ја очекува Даниела, времето ќе покаже.
