Home » Финансии не го одобри зголемувањето на професорските плати од јануари

Финансии не го одобри зголемувањето на професорските плати од јануари

by Журнал

Вработените на државните универзитети нема да добијат зголемување на платата од јануари годинава, и покрај колективниот договор потпишан на 29 декември 2022 година, помеѓу Синдикатот на Универзитетот „Св .Кирил и Методиј“ и поранешниот претседател на Собранието, Талат Џафери, во својство на лице овластено од основачот на Универзитетот, поточно Собранието на Македонија.

Раководителот на Синдикатот на Универзитетот „Св .Кирил и Методиј“, Ангел Ристов, по телефон рече дека за ова прашање ќе се произнесе за неколку дена, бидејќи според него платите на вработените на универзитетите се издаваат на 15-ти во месецот.

Според извори на Алсат, веќе потпишаниот колективен договор не добил одобрение од Финансии и не ги спровел ниту понатамошните процедури, упис во Регистарот на колективни договори во МТСП.

Ова го потврдија и од Министерството за образование и наука за Алсат. Од ова министерство велат дека колективниот договор потпишан помеѓу основачот и УКИМ се уште не е заведен во Министерството за труд и социјална политика. „Немаме документ, во моментов кога ќе имаме таков документ од Министерството за труд и социјална политика, ќе го разгледаме“, велат од Мон.

Во јуни 2022 година, вработените на Универзитетот „Св .Кирил и Методиј“ протестираа за зголемување на платите. Преку протест, од Сојузот на синдикатите на УКИМ соопштија дека во историјата на овој универзитет, состојбата на вработените никогаш не била помизерна. Според Синдикатот на УКИМ, на овој универзитет се вработени повеќе од 2.400 лица. Во меѓувреме, во високото образование вкупниот број на вработени достигнува над 4500. Во текот на 2023 година, вработените на државните универзитети имаа двојно зголемување на платите, врз основа на зголемувањето на минималната плата. Во месец мај 18% и во месец септември 10%.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More