Ова доаѓа по критиките дека тековните тестови даваат резултати до четири пати под реалните емисии.
Новата методологија би можела да значи дека некои производители на автомобили, кои продадоа речиси исто толку plug-in хибриди во Европа во 2021 година колку и електрични возила со батерии (BEV), ќе мора да продадат повеќе BEV за да ги исполнат целите на ЕУ за емисии и да избегнат големи казни. Ревидираниот тест најверојатно ќе се применува од 2025 година, велат изворите.
Податоците за мерачот на гориво – кои според законите на ЕУ мора да се инсталираат во новите автомобили од 2021 година – ќе бидат вклучени во тестот. Ова ќе покаже пореална слика за тоа колку хибридните автомобили сè уште се потпираат на нивните мотори со внатрешно согорување во споредба со електричната батерија.
Промената на тестот за подобро мерење на реалните емисии е поддржана од еколошките здруженија, кои предупредуваат дека plug-in хибридите не се зелени како што се мислеше и дека не треба да се третираат исто како возилата со батерии на електрична енергија при дизајнирање политики за електрификација.
Производителите на автомобили, кои сè уште го враќаат својот имиџ по скандалот Дизелгејт од 2015 година, во кој некои користеа нелегален софтвер за мамење на тестовите за издувни гасови, често ги објавуваат резултатите од нивните тестови за издувни гасови на почетокот на годината. Официјалните податоци Европската комисија ќе ги објави дури подоцна.
Фолксваген, Мерцедес-Бенц, БМВ и Рено објавија дека ги исполниле своите цели за 2021 година, поддржани со рекордна продажба на електрични возила.
Производителите на автомобили им плаќаат на инспекторите да го надгледуваат спроведувањето на стандардизираниот WLTP тест за сите нивни типови возила – од мотори со внатрешно согорување, преку хибриди, до електрични на батерии. Ова се прави во нивните лаборатории за да се добие индикатор за просечна емисија на јаглерод диоксид по километар. Целите за 2021 година беа околу 95 грама јаглерод диоксид на километар.
Процесот на тестирање WLTP е дизајниран врз основа на реалните податоци за тоа како и каде возат луѓето, од растојание и брзина до тип на пат, со значително подобрување во однос на претходниот тест само врз основа на теоретски модели.
Но, студиите на експертите за животна средина како што е Меѓународниот совет за чист транспорт (ICCT) покажуваат дека тестот WLTP е далеку од реалноста, особено за хибридните автомобили, кои се потпираат на мотор со внатрешно согорување околу двојно повеќе отколку што покажуваат резултатите од тестот.
ICCT предупредува дека plug-in хибридите се со помала веројатност да се полнат со електрична енергија и имаат пократок целосно електричен опсег отколку што претпоставува тестот. Отстапувањето во реалниот свет е уште поголемо за службените автомобили, веројатно затоа што возачите имаат помал поттик за полнење струја – што е поевтина опција од полнењето гориво – затоа што тие самите не го плаќаат горивото.
Иако ЕУ изгласа дека производителите на автомобили мора да инсталираат мерачи на гориво во нивните автомобили од 2021 година, сè уште не е јасно дали овие податоци ќе бидат вклучени во тестовите за емисиите. „Емисиите продолжуваат да паѓаат секоја година и тоа е вистински успех“, рече Питер Мок, генерален директор на ICCT за Европа. „Но, големиот проблем се хибридите – тоа е она што не е за верување.
