Актерот Ештон Качер одби да зборува за деталите за забавите на контроверзниот рапер Шон Диди Комбс, кој неодамна беше уапсен и обвинет за рекетирање, сексуална трговија и проституција.
„Имам многу да кажам, но не смеам. Значи, ух… Приказните за забавите на Диди, тоа се некои чудни спомени“, изјавил актерот, пренесува „Пејџ сикс“.
Како што знаеме, Диди и Ештон во 2009 година ја организираа годишната „бела забава“ на Комбс за да ја подигнат свеста за маларијата, наречена „Malaria No More“. Сепак, нема индикации дека Качер бил вклучен во некоја од нелегалните активности. Актерот откри дека тој и раперот се дружеле и гледале фудбал, но и дека Комбс се трудел да биде најдобар во сѐ.
„Тој еднаш трчаше со мене и околу половина пат остана без енергија, па поради папараците ме замоли неприметно да „забавам“ за да не изгледа како тој да не може да трча“, се сеќава Качер, а потоа продолжи да раскажува како Комбс бил толку вознемирен поради тоа што почнал да тренира за „Њујоршкиот маратон“.
„Тој едноставно не може да изгуби. Дури и кога е блиску до понижување, тоа му станува поттик“, додаде актерот. Инаку, Качер минатата година беше мета на критики за поддршка на осудениот силувач Дени Мастерсон, а среде негативните реакции, актерот поднесе оставка од „Thorn“, организација за борба против трговијата со луѓе за сексуални цели, која тој помогна да се основа.
