18
Ерменија и Иран одржаа заеднички воени вежби на нивната заедничка граница, соопшти денеска ерменското Министерство за одбрана.
Вежбите, во кои учествуваа специјалните сили на двете земји, беа фокусирани на одбрана од симулирани терористички напади врз гранични контролни пунктови, се наведува во соопштението.
– Целта на овие вежби е зајакнување на безбедноста на границите врз основа на заедничките интереси – изјави претставник на иранскиот Корпус на чуварите на Исламската револуција, цитиран од државни ирански медиуми.
