Во координација со граѓаните, екипите на ЈКП Водовод Битола се на терен и интензивно работат на санација на поплавените подрачја на територијата на општина Битола.
Како што информираат од ЈКП „Водовод“, интервенции се спроведуваат во селото Логоварди, населбата Буковски ливади, како и на улицата Бурса, каде по обилните врнежи беа забележани застоени води и поплавени површини.
Со ангажирање на тешка механизација и оперативни екипи, се чистат каналите и се отстрануваат наслагите со цел нормализирање на протокот на водата и спречување на дополнителни штети. Од претпријатието посочуваат дека активностите ќе продолжат и во наредниот период, сè додека целосно не се стабилизира состојбата на терен.
Надлежните апелираат до граѓаните за соработка и навремено пријавување на евентуални проблеми, со цел побрза и поефикасна интервенција на службите.
