Home » Две третини од возачите во В. Британија не сакаат електричен автомобил

Две третини од возачите во В. Британија не сакаат електричен автомобил

by Журнал

Според истражувањето спроведено од Refused Car Finance, дури 66 % од британските возачи немаат намера да купат електричен автомобил. Треба да се напомене дека се работи за возачи кои се уште немале електричен автомобил, односно немаат лично искуство со ваков тип на возење, но сепак огромното мнозинство немаат намера да го стекнат тоа искуство, пренесуваат специјализираните портали.

Иако електричните автомобили силно се промовираат како подобро решение за животната средина, пониски трошоци за сопственост и поголема ефикасност, се чини дека тоа сепак не е доволно за возачите да одлучат да се префрлат на „зелената“ страна.

Главните причини против купувањето за оваа група возачи се високата цена на електричните возила, досегот и достапноста на станиците за полнење.
Околу 61% од анкетираните возачи биле загрижени за опсегот на електричните возила, односно времето на полнење кое е подолго од времето на возење.

На прашањето за просечниот опсег на модерните електрични автомобили, 40% одговориле помеѓу 300 и 400 km, што е прилично точно.

Иако има повеќе од 53.000 јавни точки за полнење достапни во В. Британија, многу возачи сè уште не се убедени дека тоа е доволно.

Сепак, владата има за цел до 2030 година да има 300.000 полначи, па можеби ќе го сменат својот став.
Од друга страна, 66,7% од возачите кои поседувале електричен автомобил изјавиле дека се задоволни и дека враќањето на дизелот или бензинот не е опција.

Според нивното мислење, најголемата продажна точка на електричните возила се ниските оперативни трошоци, нула емисија на штетни гасови и подоброто возачко искуство.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More