Home » Двајца државјани на Грузија, во менувачница во Елбасан смениле 40 милиони фалсификувани леки, за кои добиле 40 илјади евра

Двајца државјани на Грузија, во менувачница во Елбасан смениле 40 милиони фалсификувани леки, за кои добиле 40 илјади евра

by Журнал.мк

Двајца државјани на Грузија, во менувачница во албанскиот град Елбасан, смениле 40 милиони фалсификувани леки, за кои добиле 40 илјади евра.

-Полицијата се сомнева дека станува збор за поголема група, поради што упати апел за поголема внимателност во менувачниците, трговски објекти и бензинските пумпи. Истото се однесува и за пограничните градови во Северна Македонија, каде може да менуваат, но и каде албанските граѓани набавуваат разна стока, а наплатата ја вршат со леки, објавија медиумите.

По пријавата на сопственикот на менувачницата, полицијата успеала да ги идентификува измамниците. Станува збор за грузиските државјани Л.Р.(49), и Л.П.(46), за кои е издадена потерница а се бараат за сторени кривични дела „измама“ и „фалсификување монети“.

Според медиумите од контролата на граничните премини тие не фигурираат дека ја напуштиле земјата, но, поради близината на Елбасан со македонската граница, кај Струга, не се отфрла можноста тие да ја минале границата илегално, со помош на албански државјани.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More