Европската комисија предлага значително зголемување на акцизите на цигари и тутунски производи за дури 73%, со сегашни 124,2 евра на илјада цигари до 215 евра.
Ова би значело двојно поголемо даночно оптоварување во споредба со соседните земји надвор од ЕУ и може сериозно да ја загрози домашната индустрија, како и да го поттикне растот на црното пазарно тргување, предупредуваат експертите.
Македонските стопанственици посочуваат дека индустријата е стратешки важна, вработува голем број луѓе и обезбедува значајни приходи, па наглото зголемување на акцизите би имало сериозни негативни последици. Дополнително, се предвидува дека високите акцизи би го поттикнале шверцот и нелегалната продажба, наместо реален раст на даночните приходи.
Експертите предлагаат постепено и умерено прилагодување на акцизите и поттикнување на производите со намален ризик, како електронските цигари, со цел да се избегнат шокови на пазарот и раст на сивата економија.
