Пејачката Драгана Мирковиќ се појави на настан во главниот град Белград видно расположена.
Пред месеци Драгана одржа многу концерти во рамките на својата турнеја, поради што се шпекулира дека ова е нејзино збогување со обожавателите, бидејќи планира да се пензионира.
Сега искрено проговори за кариерата и во таа прилика изјави дека не планира наскоро да се пензионира.
– Мојата енергија никогаш нема да згасне. Јас сум љубител на луѓето, љубител на музиката и на мојата публика. Јас сум весела и позитивна личност, а тоа ми помага да имам толку многу енергија на оваа возраст. Тоа го може само љубовта – рече таа, а потоа додаде:
– Не е точно дека ја завршувам кариерата, иако сите се на мислење дека врвот го достигнав со последните концерти. Дефинитивно сè уште нема да ставам точка на кариерата, а кога ќе одлучам на тоа, ќе го направам на многу емотивен начин – заклучи Драгана.
