Доследна примена на новиот закон за Судски совет не остава простор за политичко влијание

Граѓанскиот сектор смета дека новото законско решение за Судскиот совет, ќе биде гаранција дека новиот состав на Судскиот совет ќе биде со извонредни експерти кои заслужуваат да бидат членови. Јелена Кадриќ од организацијата „Блупринт“ вели дека доколку точно се почитуваат законските измени, тогаш е невозможно да се меша политиката при изборот на членовите на Советот.

Кадриќ рече дека со овие предлози се предвидува поголема транспарентност како при изборот на членовите, така и при разрешувањето на претседателот на Судскиот совет.

Според Министерството за правда, предвидени се измени во две третини од текстот.