Илија Димовски од ВМРО-ДПМНЕ во 24 анализа рече дека дискусиите за политичка одговорност треба да се водат по завршување на истрагата. Според него, сите виновни без разлика на нивната етничка или политичка припадност треба да одговараат.
„Се што се дискутира а е поврзано со Кочани и има политичка конотација кај мене создава непријатност. Можеби би било коректно спрема општеството да се заокружи процесот, да се заврши истрагата, да го видиме тој пакет и кој се ќе биде виновен. Сега имаме само осномничени, има истрага нема обвинение, не знаме како ќе биде односот. Мислам дека би било коректно овие дискусии за политичка одговорност на функционери да ги оставиме после тоа обликување на случајот“, рече Димовски.
Тој објасни и дека треба сите кои се виновни за трагедијата во Кочани да одговараат.
„Во време на ДУИ се случија 3-4 страшни несреќи кои однесоја повеќе животи, и не презедоа никакви мерки. Не мислам дека ДУи е релевантен фактор. Нивниот историјат на дејствување не дава кредибилитет. Тоа е исто како да фатите дека некој има фалсификат докторат на економија а предава на економски факултет. Ние немаме целокупен материјал, не знаеме дали е конечна листата. Сите познаваме од некој од тие луѓе кои се осомничени. Треба сите да одговараат без разлика од која партија се или од која етничка заедница се“, додаде Димовски.
