Холандија имаше добро тимско издание и ја победи Босна со 5:2, но тимот на Роналд Куман сепак покажа доста слабости во одбрана и дозволи несфатливи грешки за највисоко ниво.
Голем кикс направи Матијс Де Лихт за кого ова беше прв старт по разочарувачкото Европско првенств, па новинарите од Холандија веднаш почнаа да го прашуваат дали пропушти голема шанса да се покаже пред селекторот и соиграчите.
– Победивме како тим и тоа ме прави среќен, но не може да не ми текне на индивидуалниот дел. Морав да бидам подобар при нивниот втор гол и јас го знам тоа.
– Навистина не знам што ми се случи, требаше да ја исфрлам топката ида тргнам кон неа. Едноставно се зае..в!
– Не знам дали ова е пропуштена шанса за мене, времето ќе покаже за тоа. Јас секогаш се обидувам да го давам најдоброто, без оглед на околностите и противникот кој е на спротивната страна, – изјави Де Лихт.
