Home » ДЕЈАН АНГЕЛОВ СЕЛЕКТИРАН ВО ПРОГРАМАТА „EMERGING ARTIST PARTICIPATING IN THE 2022 WORLD THEATRE DAY CELEBRATION“

ДЕЈАН АНГЕЛОВ СЕЛЕКТИРАН ВО ПРОГРАМАТА „EMERGING ARTIST PARTICIPATING IN THE 2022 WORLD THEATRE DAY CELEBRATION“

by Журнал.мк

Театарскиот режисер Дејан Ангелов, како претставник од нашата држава, е селектиран да учествува на онлајн програмата „Emerging Artist Participating in the 2022 World Theatre Day Celebration“, која ќе се одржи на 27 март по повод 60 години од Светскиот ден на театарот. Програмата е иницирана и организирана од тимот на Германскиот центар ITI и International Theater Institute UNESCO, во Париз/Шангај.

Координатор за нашата држава е Македонскиот центар ИТИ/ПРОДУКЦИЈА.

Дејан Ангелов е роден на 9 март 1991 година. Основно, средно и високо образование завршува во родниот град Струмица. По дипломирањето на Универзитетот ФОН во родниот град, започнува да работи во насока да ја реализира својата најсилна страст, желбата да се занимава со театар.

Во 2015 година конкурира во НАТФИЗ „Крсто Сарафов” – Софија во Бугарија, отсек театарска рeжија и е примен во класата на проф.Маргарита Младенова.

Во вториот семестар од втората година на студиите решава своите знаења за театар да ги прошири. Користејќи ја можноста која му се нуди преку „Еразмус +“ стипедниите заминува во академијата за драмски уметности во Загреб. Таму еден семестар студира како дел од класата на проф. Озрен Прохич. Својот престој во Загреб го заокружува со успешна премиера на претставата „ Dies irae” текст на македонската авторка Жанина Мирчевска на сцената на учебниот театар во академијата.

Претставата е оценета со највисока оценка. Се враќа во НАТФИЗ „Крсто Сарафов” каде што го продолжува своето студирање уште две години се до неговото дипломирање во 2018 година со претставата „ Иванов” текст на А.П. Чехов.

По дипломирањето заминува повторно во странство како стипендист во Вилниус, Литванија, каде присуствува на пробите на класата на големиот литвански режисер Оскарас Куршоновас. По враќањето од Литванија конкурира на конкурсот „Млад режисер“ што го објавува секоја година НАТФИЗ „Крсто Сарафов” предвидено за дипломирани режисери од нивната академиja, и во една доста сериозна конкуреција успева да го освои. Таму во 2019 година ја реализира претставата „Три сестри“ од А.П. Чехов што е дел од репертоарот на театарот на академијата.

Последен проект којшто скоро доживеа и премиера беше монодрамта од бугарскиот писател и режисер Јордан Славејков „Викториja” во театарот Антон Панов – Струмица повторно во продукција на невладината организација за култура „Tранзен“.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More