Home » Даштевски: Во интерес на државата е ДИК да биде во полн состав и да не оставаме црна дамка пред ОБСЕ и меѓународната заедница

Даштевски: Во интерес на државата е ДИК да биде во полн состав и да не оставаме црна дамка пред ОБСЕ и меѓународната заедница

by Журнал

На прашањето доколку се комплицира работата, дали би се повлекол тој и другиот член на ДИК од ВМРО-ДПМНЕ Бобан Стојаноски, Даштевски одговори дека во оваа работа не се работи за повлекување, туку следење на процедури за разрешување во Собранието.

Во интерес на државата е да не оставаме некоја црна дамка пред очите на ОБСЕ и меѓународната заедница и да се избере тој седми член и Државната изборна комисија (ДИК) да функционира во полн состав. Ова вечерва во Дневникот на ТВ Сител го изјави претседателот на Државната изборна комисија Александар Даштевски, кој додаде и дека за нив не е од суштинско значење избирањето на седмиот член на Комисијата, но дека би било добро за избори да се комплетира ДИК и да работи во полн состав.

„Не би навлегувал во политика. Сметам дека сепак ќе се избере седмиот член. Како што слушаме во јавноста, дека има доволно време да се усогласат ставовите и да се избере седмиот член. А, од друга страна и тоа го најави и идниот претседател на Собранието Јован Митрески, кој рече дека сигурно ќе се избере. Сметам дека и во интерес на државата, да не оставаме некоја црна дамка пред очите на ОБСЕ и меѓународната заедница, да се избере тој седми член и ДИК да функционира во полн состав. За тоа дека ќе се повлече албанската опозиција, претпоставувам дека се работи за тоа што треба да се почитува законот во целост и ние да причекаме дали ќе има таков предлог, што ќе има во предлогот и доколку се работи за неспроведување на Изборниот законик, за противзаконски работи, тогаш се знае постапката оди во Собрание. И што ќе се одлучи, ние ќе го прифатиме“, рече Даштевски.

На прашањето доколку се комплицира работата, дали би се повлекол тој и другиот член на ДИК од ВМРО-ДПМНЕ Бобан Стојаноски, Даштевски одговори дека во оваа работа не се работи за повлекување, туку следење на процедури за разрешување во Собранието.

Во однос на најавите од албанската опозиција за блокади на избирачки места, Даштевски верува дека ќе се средат работите и ќе успееме да имаме регуларни демократски, фер и слободни избори.

„Сметам дека ќе се средат работите. Затоа што тоа би значело одење во сосема друга насока, некои црни сценарија, што не би требало да биде случај. Знаеме дека на последните неколку изборни циклуси, изборите беа фер и демократски. Не би требало да дојдеме до таа граница што била на пример 99-та година, потоа за време на референдумот итн. Мислам дека сме ги надминале тие фази и дека ќе успееме да имаме регуларни демократски, фер и слободни избори“, рече тој.

Одговарајќи на прашањето дали ќе биде проблем граѓаните со важечки документ со Република Македонија да гласаат на избори, тој се надоврза на претходни информации објавени од МВР во кои било нагласено дека тие документи ќе важат.

„Колку што слушнав од МВР, тие документи ќе важат. Тие лични карти доколку важат, ќе бидат прифатени и ќе важат. Сепак, 90 отсто од граѓаните ќе вадат документи и ќе можат да гласат на избори. И ќе можат со лични карти со старото име“, рече тој.

Даштевски посочи дека се уште го прецизираат со ИТ компанијата начинот на изведување на гласањето со отисок од прст.

Во однос на измените на Изборниот законик за ДИК по препораките од ОБСЕ/ОДИХР, рече дека се од техничка природа и кои, како што нагласи, ќе ни помогнат за полесно и поефикасно спроведување на изборите.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More