Сунита Вилијамс и Буч Вилмор се на Меѓународната вселенска станица (ИСС) осум месеци подолго од планираното, но наскоро ќе се вратат на Земјата.
Суни и Буч полетаа до ИСС на 5 јуни 2024 година. Тоа беше трет и последен тест на новата капсула Старлајнер на Боинг, прва со екипаж. Мисијата се очекуваше да трае само осум дена, но астронаутите и денеска се на вселенската станица поради проблеми со „Старлајнер“, пишува „ИФЛ саенс“ (IFL science).
Се чини дека и двајцата, со претходно искуство во ИСС, не се премногу незадоволни од својата ситуација.
„Ние работиме прилично добро. Имаме храна, имаме облека. Имаме одлични членови на екипажот овде“, изјавила Вилијамс неодамна за Си-ен-ен.
„Не се чувствуваме напуштени. Не се чувствуваме заглавени. Ние сме подготвени. Ние сме посветени.„Тоа е програмата за човечко патување во вселената: ние се подготвуваме за секој можен непредвиден случај“, додал Вилмор.
Вилијамс дури постави нов рекорд. Претходно овој месец и двајцата ја напуштија вселенската станица на вселенска прошетка. За време на оваа активност, Вилијамс го собори рекордот за најдолга вселенска прошетка на жена. Таа ја надмина поранешната астронаутка на НАСА, Пеги Витсон. Таа сега има вкупно 62 часа и шест минути одење во вселената – што го става на четвртото место на листата на НАСА на сите времиња.
Значи, покрај тоа што можат да живеат во вселената подолго, што го сакаат астронаутите, дали тие добиваат и други придобивки од нивниот неочекуван долг престој на ИСС?
Одговорот е речиси сигурно „не“, вели поранешната астронаутка Кетрин Колман. Додека се на ИСС, астронаутите добиваат редовна плата, а не некаква плата за прекувремена работа, додека НАСА се грижи за животните трошоци и храната на ИСС. Сепак, има мала сума пари дневно како џепарлак за споредни активности. Кога Колман 2010-2011 г. беше 159 дена на МСС, таа сума беше околу четири долари на ден.
Колку и да е слатка таа сума од четири долари, Вилијамс и Вилмор се подготвуваат да се вратат на Земјата за еден месец.
„Планот е мисијата „Екипа 10“ да започне на 12 март, да пристигне овде и да не врати околу 19 март“, рекол Вилмор.
