Home » Централен Комитет на ВМРО-ДПМНЕ: Јанушев и Божиновска нови членови на ИК

Централен Комитет на ВМРО-ДПМНЕ: Јанушев и Божиновска нови членови на ИК

by Журнал

ВМРО-ДПМНЕ во текот на вчерашниот ден одржа редовна седница на Централниот Комитет на ВМРО-ДПМНЕ.

На седницата се разговарало за актуелната општествена, политичка и економска состојба во која се наоѓа државата.

„Неизбежен е впечатокот дека народот ја губи државата и системот не функционира. Хаосот и безредието е стимулирано со растечкиот криминал и отсуството на правда ги нагризува темелите на државата.

Именувањето на Талат Џафери е круната на неспособноста и владеењето на беззаконието во државата. Тоа е скапата цена платена од СДС која на тој начин ја одржува власта. СДС стана малцински партнер со само 5 министри во владата со над 20 министерства.

Излезот е промена на власта, а одговорот е изборите кои ќе се одржат за помалку од 3 месеци“ соопштија од ВМРО-ДПМНЕ.

Централниот Комитет на ВМРО-ДПМНЕ за нови членови на Извршниот Комитет ги именуваше Сања Божиновска и Игор Јанушев.

Сања Божиновска е експерт во енергетиката, која работи во Прага, има работно искуство во најголемите компании од пазарот на енергетиката и економските системи.

Игор Јанушев е поранешен генерален секретар на ВМРО-ДПМНЕ и актуелен пратеник во Собранието. Тој е дипломиран правник.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More