Цената на природниот гас на европскиот пазар утринава порасна на највисоко ниво од почетокот на 2023 година, покажуваат податоците објавени на веб-страницата на гасниот центар во Холандија.
Цената на природниот гас на европскиот пазар се зголеми на највисоко ниво од почетокот на 2023 година
Амстердам, 10 февруари 2025 (МИА) – Цената на природниот гас на европскиот пазар утринава се зголеми на највисоко ниво од почетокот на 2023 година, покажуваат податоците објавени на веб-страницата на гасниот центар во Холандија (ТТФ).
Индексот на цените, како одраз на динамиката на цените на синото гориво со кое се тргува во гасниот центар во Холандија, достигна утрово до 58,29 евра за мегават-час природен гас, со испорака во март.
И покрај тој ценовен врв, цените на природниот гас на европските пазари во моментов се значително пониски од оние во 2022 година, кога на моменти достигнуваа нивоа од над 300 евра за мегават-час природен гас, јави ДПА.
