Home » Членови на проруската владејачка партија брутално го претепаа поранешниот грузиски премиер

Членови на проруската владејачка партија брутално го претепаа поранешниот грузиски премиер

by Журнал.мк

Лидерот на опозициската партија „За Грузија“ и поранешниот премиер на земјата, Ѓорѓи Гакарија и новинарот и сопартиец Звијад Коридзе беа физички нападнати во текот на ноќта во хотелот Шератон во грузиското летувалиште Батуми во два одвоени инциденти.

Закарија е хоспитализиран со потрес на мозокот и скршеница на носот, објави грузискиот портал „Цивил“.

Новинарoот Гел Мтивлишвили го пријавил инцидентот, истакнувајќи дека во нападот на опозицискиот лидер биле вклучени пратеникот на владејачката партија Димитри Самхарадзе и заменик-министерот за економија и финансии Аџара Ѓорѓи Манвелидзе, како и неколку други пратеници. Полицијата дошла на местото на настанот неколку часа подоцна, рече тој.

Партијата „За Грузија“ соопшти дека инцидентот бил „координиран групен напад оркестриран од режимот на (почесниот претседател на владејачката партија Биџина) Иванишвили“ и бил „политички мотивиран“.

На нападот на Гакарија му претходеше вербален и физички напад врз Звиад Коридзе, новинар и претседател на регионалната канцеларија на Транспаренси интернешнал (ТИ) – Грузија, „на истото место и од истите луѓе“, се вели во соопштението.

„Нападот врз нашиот член беше намерен чин на насилство и одмазда од страна на партијата на Иванишвили против грузиското граѓанско општество и претставниците на Транспаренси Интернешнл Грузија“, се вели во соопштението, во кое се бара надлежните органи да започнат истрага.

Хоспитализиран е и Коридзе, наводно со повреда на окото, пренесува грузискиот портал.

Министерството за внатрешни работи покрена истрага за случајот.

https://x.com/Iloglonti/status/1879485699994333344?ref_src=twsrc%5Etfw%7Ctwcamp%5Etweetembed%7Ctwterm%5E1879485699994333344%7Ctwgr%5Ea7abe9effae3f698b185e769bede5a96b02a491c%7Ctwcon%5Es1_&ref_url=https%3A%2F%2Ffokus.mk%2Fvideo-chlenovi-na-proruskata-vladejachka-partija-brutalno-go-pretepaa-poraneshniot-gruziski-premier%2F

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk