Хроника

Скопје, 11 јули- Царинската управа на граничниот премин „Табановце“ со соседна Србија заплени 16,5 тони цигари и на „Богородица“ со соседна Грција спречи обид за нелегален внес на 13 тони тутун во лист наменети за нелегална продажба на македонскиот пазар, информира на денешната прес-конференција директорот на Царинската управа Ѓоко Танасоски.

На граничниот премин Табановце, како што соопшти тој, на 28 мај 2019 година, во контрола на товарно моторно возило утврдено е дека истото содржи илјада пакети со нелегални цигари, со вкупна тежина од 15.000 килограми. Во секој пакет имало спакувано по 50 штеки или вкупно десет милиони парчиња цигари. На истиот граничен премин на 24 мај 2019 година е откриено и комбе со 102 пакети со цигари, со тежина од околу 1.500 килограми или вкупно еден милион парчиња цигари.

Како што посочи Танасоски, станува збор за цигари со кинеска марка „Ashima luhoru size“ и „Marble de luhe“.

– Царинските служби на влез на граничниот премин Богородица на 16 мај 2019 околу 18 часот, запленија товарно моторно возило во кое се откриени 130 пакети со 13.000 килограми нето тежина, а бруто тежината е 14.300 со тутун во лист. Истото имало пријавено дека пренесува хартија за виткање тутун, но при направената проверка било утврдено дека возилото е натоварено со тутун во лист. Запленетиот тутун бил наменет за нелегална продажба како режан тутун на домашниот пазар – вели Танасоски.

Тој посочи дека против сторителите се поднесени соодветни кривични пријави.

Танасоски смета дека доколку цигарите, односно тутунот се нашле на домашниот пазар државниот буџет ќе бил оштетен за околу еден милион евра.

– Цигарите и режаниот тутун се акцизни производи, за кои се плаќа акциза, а кога ќе се најдат во малопродажба истите мора да бидат обележани со контролни марки. Контролните марки се потврда дека за тие производи се платени акцизата и останатите давачки на државата, но и дека е извршена контрола на квалитетот. Акцизите учествуваат со околу 22 проценти во вкупните даноци кои ги прибира државата, а во буџетските приходи акцизите учествуваат со 13 проценти, од кои над 5 проценти се од цигари и тутунски производи. Ако се знае висината на буџетот (-3,4 милијарди евра), станува збор за значаен извор на приходи – појаснува Танасоски.

За претходната полициска акција кога беа запленети 12 тони нелегално увезен режан тутун во скопско, тој рече дека во случајот каде што имале заплена на тутун во лист и режан тутун станува збор за затајување давачки кои се случени во внатрешноста на државата каде што царинската управа нема свои надлежности и токму поради тоа случајот го презела финансиска полиција да го води. Моментот кога настанува кривичното дело е претворањето на тутун во лист во режан тутун, односно тоа, како што рече, е моментот на настанување на акцизен долг, кога тутунот станува акциска давачка.

Во затворот „Идризово“ попладнево избил пожар во стариот дел од зградата, поради што била повикана пожарникарска екипа, а дел од зарворениците биле евакуирани од просториите.

Директорот на затворот, Боби Мојсоски, за „Макфакс“ изјави дека пожарот избил во затворското крило каде се чувале ќебиња и душеци.

„Приметен бил чад, по што реагирала затворската полиција, најпрво ги извадила затворениците кои во моментот биле во просторијата, а потоа го изгаснала пожарот. Повикана била и Противпожарна бригада, но, иако тие пристигнале брзо и со две возила, пожарот веќе бил изгаснат“, рече Мојсоски.

Тој додаде дека полицијата дополнително ќе утврдува која е причината за пожарот.

Девет лица се здобиле со лесни телесни повреди во шест од вкупно десет сообраќајни незгоди што се случиле изминатото деноноќие на подрачјето на Град Скопје. Во четири сообраќајни незгоди е причинета материјална штета.

Според податоците на СВР Скопје, полицијата санкционирала тројца возачи кои управувале под дејство на алкохол, девет пред да се стекнат со право на управување на моторно возило и двајца почетници.

Од сообраќај се исклучени шеснаесет возачи поради поголема брзина од дозволената и девет нерегистрирани возила.

За непрописно паркирање се издадени 75 казни, а со специјалното возило „пајак“ подигнати се 60 возила.

Казнети се тројца пешаци кои поминале коловоз вон пешачки премин, десет пешаци кои поминале коловоз на црвено светло, шест возачи кои поминале крстосница на црвено светло, еден за неправилно престројување, четири за неправилно престигнување, 16 за не носење сигурносен појас од страна на возачите за време на управување на моторно возило и еден за користење на мобилен телефон за време на управување на мототрно возило

Скопје, 11 јули- Девет лица се здобиле со лесни телесни повреди во шест од вкупно десет сообраќајни незгоди што се случиле изминатото деноноќие на подрачјето на Град Скопје. Во четири сообраќајни незгоди е причинета материјална штета.

Според податоците на СВР Скопје, полицијата санкционирала тројца возачи кои управувале под дејство на алкохол, девет пред да се стекнат со право на управување на моторно возило и двајца почетници.

Од сообраќај се исклучени шеснаесет возачи поради поголема брзина од дозволената и девет нерегистрирани возила.

За непрописно паркирање се издадени 75 казни, а со специјалното возило „пајак“ подигнати се 60 возила.

Казнети се тројца пешаци кои поминале коловоз вон пешачки премин, десет пешаци кои поминале коловоз на црвено светло, шест возачи кои поминале крстосница на црвено светло, еден за неправилно престројување, четири за неправилно престигнување, 16 за не носење сигурносен појас од страна на возачите за време на управување на моторно возило и еден за користење на мобилен телефон за време на управување на мототрно возило.

Скопје, 9 јули– Од НЛБ Банка во Сарај каде што утрово се случи грабеж се украдени околу 115 илјади евра, а со цел побрзо откривање на деталите и разрешување на случајот, НЛБ Банка е во интензивна соработка со надлежните органи, соопштија од Банката.

Во моментов поради истрага и расчистување на случајот, експозитурата Сарај не работи, а со редовна работа ќе продолжи од 10 јули 2019 година (среда), велат од НЛБ Банка.

Разбојници околу 10:40 часот утрово, влегле и ја ограбиле филијалата на НЛБ Банка во Сарај. Четири вооружени лица влегле внатре, а целата акција траела само пет минути. Ккцијата била како на филм. На местото на настанот пристигна полицијата, а потоа и крим-техниката.

Претставници на Банката се во постојан контакт со клиентите и вработените кои биле присутни во филијалата, ставајќи ја нивната безбедност и нивното здравје во преден план. Во моментов сѐ уште нема детали за висината на направената штета. Надлежните органи вршат увид на самото место и се во блиска соработка со Банката за што побрзо и ефикасно разрешување на случајот и разоткривање на деталите, за што јавноста ќе биде дополнително известена, изјавија од НЛБ.

Надлежните од НЛБ банка, уверуваат дека средствата на нивните клиенти се безбедни. Инаку ова е втор грабеж во рок од три месеци во некоја од експозитурите на НЛБ. Ваков настан беше регистриран и пред три месеци во Чаир кога разбојниците им се заканија на вработените и со себе однесоа околу 150 илјади евра./republika.mk/

Скопје, 9 јули- Во текот на изминатиот ден на подрачјето на Секторот за внатрешни работи Скопје преземени се мерки и активности и констатирано е дека 101 возачи управувале возила со брзина поголема од дозволената.

„Од сообраќај исклучени се 16 возачи од кои: три возачи управувале возило под дејство на алкохол, 12 возачи затоа што управувале возила без да се стекнат со право за управување на моторно возило и еден возач почетник затоа што не ги почитувал законските ограничувања. Исто така, исклучени од сообраќај се и 16 возила кои не биле регистрирани.

Санкционирани се четири возачи поради поминување на крстосница на црвено светло, двајца возачи поради недавање првенство на минување на пешаци, четири возачи поради неправилно престројување, еден возач поради недавање првенство на минување на крстосница, девет возачи на мотоцикли поради неносење заштитен шлем, двајца возачи поради неносење сигурносен појас за време на управување на моторно возило и 10 возачи поради користење на мобилен телефон при управување на возило.

Во текот на изминатиот ден издадени се 84 мандатни платни налози и 75 возила се подигнати со специјално возило „пајак”. Изминатиот ден се случиле осум сообраќајни незгоди во кои едно лице се здобило со тешки телесни повреди и три лица се здобиле со телесни повреди“, соопштуваат од МВР.

Скопје, 8 јули- Вооружена група изутрината ка ограбила експозитурата на НЛБ Банка АД Скопје во општина Сарај. Нема повредени лица. Во моментов сѐ уште нема детали за висината на направената штета.

Надлежните органи вршат увид на самото место и се во блиска соработка со банката за што побрзо и ефикасно разрешување на случајот и разоткривање на деталите.

– Во моментот на случувањата во експозитурата биле присутни вработени и клиенти, при што сите се безбедни и во добра состојба. Претставници на банката се во постојан контакт со клиентите и вработените кои биле присутни во филијалата, ставајќи ја нивната безбедност и нивното здравје во преден план, соопштија од НЛБ Банка АД Скопје.

Средствата на клиентите се сигурни бидејќи, стои во соопштението, банката има осигурување на целиот свој имот и средства.

На 07.07.2019 во 12.30 часот на Граничен премин „Табановце“, поради сомнение за сторено кривично дело „фалсификување исправа“ по член 378 од Кривичниот законик, приведен е А.Ј.(63) од Република Србија, кој управувал патничко возило „БМВ 530 Д“ со српска национална ознака. Лицето било задржано за понатамошно постапка.

Скопје, 8 јули- Мотоциклист и велосипедист се здобиле со тешки телесни повреди, а 12 лица се лесно повредени во девет од вкупно 23 регистрирани сообраќајни незгоди изминатиот викенд на подрачјето на СВР Скопје. Во 14 сообраќајки е причинета материјална штета.

Поради поголема брзина од дозволената од сообраќај се исклучени 130 возачи, 51 возач под дејство на алкохол, 74 пред да се стекнат со право на управување моторно возило, како и 12 возачи почетници.

Од сообраќај се исклучени и 59 нерегистрирани возила и едно возило за претовар

За непрописно паркирање се издадени 143 казни, а со специјалното возило „пајак“ подигнати се 107 возила.

Санкционирани се и тројца пешаци кои поминале коловоз надвор од пешачки премин, 17 возачи кои поминале крстосница на црвено светло, четворица кои не дале првенство на минување на пешаците на обележан пешачки премин, тројца за неправилно престројување, двајца за неправилно престигнување и еден возач кој не дал првенство на минување на возила во зона на крстосница.

Казнети се и 65 возачи за некористење на заштитен шлем на вел со мотор, мопед и мотоцикл, 12 за не носење сигурносен појас за време на управување на моторни возила и 27 за користење на мобилен телефон за време на управување на моторно возило.

Скопје. 5 јули- Вчера во 11.46 часот во СВР Скопје било пријавено дека во стан на ул.„11-ти Октомври“ во Скопје бил пронајден починат С.С.(73) од Скопје, без траги на насилство.

Увид на местото извршила увидна екипа на СВР Скопје, а по наредба на Јавен обвинител телото било предадено за обдукција.