Технологија

Хуавеј претстави сопствен оперативен систем за паметни телефони, за кој вели дека може да го замени Андроид доколку со американските санкции на кинескиот технолошки гигант му биде укинат пристап до системот на Гугл.

Хуавеј технолоџис наведе дека првиот уред кој ќе го користи системот ХармониОС ќе биде претставен утре.

Шефот на потрошувачкиот оддел на Хуавеј, Ричард Ји изјави дека компанијата сака да користи Андроид, но дека може веднаш да се префрли на ХармониОС доколку изгуби пристап до широко користениот американски систем.

Вашингтон тврди дека Хуавеј претставува безбедносна закана, што компанијата негира и и воведе ограничувања за пристап до американската технологија.

Sony одржува завршни тестови со наследникот на Xperia 1, чија премиера треба да ја видиме на IFA
2019 на почетокот на следниот месец. Уредот ќе го задржи дизајнот на својот претходник, но исто
така ќе понуди и некои прилично големи подобрувања. Sony веќе ја регистрираше трговската
марка „S-Cintetone“ во Канцеларијата за интелектуална сопственост на Европската унија (EUIPO).
Првиот паметен телефон со технологија ќе биде Sony Xperia 2.

Описот на регистрацијата открива дека оваа иновација е наменета не само за паметните телефони,
туку и за дигиталните фотоапарати, таблети, компјутери и многу повеќе. Ако го погледнеме името
„S-Cinetone“, можеме да очекуваме дека тоа е софтверска функција што го прилагодува и го
подобрува квалитетот на бојата. За жал, патентната документација повеќе не открива детали за тоа
како работи технологијата.

GizmoChina верува дека може да биде наследник на режимот „Cinema Pro“ на Xperia 1, дозволувајќи
им на корисниците да снимаат 4K видео со 30 фрејмови во секунда. Потсетуваме дека Sony Xperia 2
се очекува да има 6.1-инчен дисплеј со 4K резолуција и да го напојува процесорот Qualcomm
Snapdragon 855, дополнет со 6 GB RAM меморија. Батеријата ќе биде 3000mAh, со опција за
безжично полнење. Оперативниот систем е Android PIe

Xiaomi најави дека во некои од своите идни модели на телефони ќе имплементира камера со резолуција од 108 MP. Тоа ќе биде ултра-јасен Samsung ISOCELL сензор со резолуција од 12.032 × 9,024 пиксели.

Оваа резолуција не ја нудат ни DSLR фотоапаратите, па се поставува прашањето дали можеби тие телефони може на некој начин да бидат замена и за овие уреди.

Ниту Xiaomi ниту Samsung не објавија детали за овој сензор. Засега знаеме дека сличен сензор на Samsung со резолуција 64MP треба да ги подобри перформансите во услови на слаба осветленост (во споредба со постојниот сензор од 48 MP), но тоа не значи дека истата аналогија може да се примени и на сензор од 108 MP.

Покрај тоа што е физички поголем, овој сензор ќе ја намали количината на светлина која паѓа на секој пиксел. Тоа значи дека најверојатно фотографиите направени на дневна светлина ќе бидат феноменални, додека во услови на слаба амбиентална светлина може да се очекува полош квалитет.

Google објави нов тизер за Pixel 4 што се очекува да биде лансиран во отомври.

Во видеото објавено на YouTube компанијата открива дека новиот телефон ќе се отклучува со технологија за препознавање на лица, а не со сензор за отпечаток од прст.

Google исто така открива дека Pixel 4 ќе има карактеристика наречена Motion Sense, што потврдува дека ќе има Project Soli чип што користи радар за да детектира движења со рака и гестикулации во близина на телефонот./ Извор: kajgana.com

Додека Samsung и Huawei планираат да започнат нова ера на мобилни телефони со моделите на преклоп, LG има малку поинаков пристап.

Кога јужнокорејската компанија минатата година го објави својот телефон LG V50 ThinQ, воведе и дополнителна футрола со екран, кој може да го претвори уредот во еден вид телефон на преклоп. Dual Screen folio футролата дојде со 6,2-инчен OLED панел и им понуди на корисниците можност за секундарен екран за мултитаскинг, гејминг или создавање фотографии.

LG сега планира  ова да го надгради преку претстојниот V60 ThinQ, кој ќе биде откриен за време на IFA саемот во Берлин во септември. Компанијата, исто така, објави краток тизер со кој се навестува употребата на вториот дисплеј.

Вториот дисплеј се чини дека има исти димензии како самиот телефон, што би претставувало подобрување во однос на првата генерација на секундарниот дисплеј, кој имал помали дијагонални и подебели рамки. Покрај тоа, екранот на втора генерација на екран треба да има помал надворешен дисплеј за известувања, време и датум.

Другите детали не се познати , а сите карактеристики ќе бидат објавени на 6 септември за време на саемот на IFA./извор: USB.mk

Apple до 2021-ва година на своите iPhone модели планира да воведе нов Touch ID систем со сензор за отпечатоци на прсти сместен под дисплејот, стои во извештајот на познатиот инсајдер Минг-Чи Куо.

Оваа технологија наводно ќе биде во синхронизација со Face ID системот за препознавање на лице, па така со овие две методи, безбедноста на уредот ќе биде на највисоко можно ниво, пренесува “The Verge”.

Сензорите за отпечатоци на прсти од неодамна се појавија на пазарот, а речиси сите под најновите генерации на паметни телефони веќе имаат сензор за отпечатоци на прсти сместен под самиот екран.

Наводно од Apple работеле на својот модел на „внатрешен“ Touch ID систем уште од 2017-та година, но се уште таа технологија не е имплементирана ниту кај последната генерација на iPhone.

Куо тврди дека некои од основните потешкотии на внатрешните сензори за отпечатоци на прсти, како што е големата потрошувачка на енергија, технолошките гиганти ќе ја надминат до 2021-ва година. Тој тврди дека Apple најверојатно ќе користи ултразвучно решение за откривање на отпечатоците на прстите, нешто слично на Qualcomm.

Иако предвидувањата на Куо во врска со технологиите на Apple досега се покажаа како воглавно точни, постои можност Apple да ги промени своите планови и Touch ID технологијата сепак да не пристигне оваа, или пак следната година.

Samsung продолжува да го продлабочува својот бренд на паметни рачни часовници и е сериозна конкуренција на Apple Watch и Wear OS на Google.

Технолошкиот гигант го претстави Galaxy Watch Active 2, а The Verge веднаш му направи анализа.

Active 2 ќе биде достапен во две величини – 40 и 44 милиметри – во Bluetooth и LTE верзија.

Продажбата ќе почне на 27 септември со почетна цена од 279 долари.

OnePlus го објави четвртиот Developer Preview за Android Q, достапен за минатогодишните и годинашните телефонски компании: OnePlus 6, 6T, 7 и 7 Pro.

Списокот на промени на овој preview не открива премногу, освен тоа што доаѓа со подобрувања во системските функции. Сепак, наведени се познати проблеми, кои може да се видат на следниот скриншот.

oneplus2_28.jpg

OnePlus официјално не ја објави достапноста на овој preview, но корисниците го потврдија неговото постоење на официјалните форуми на компанијата и споделија линкови за преземање.

Линковите за преземање за софтверот Android Q Developer Preview 4 за 7/7 Pro се достапни тука, додека 6 и 6Т во моментов не се достапни./извор: USB.mk

Huawei аплицираше за неколку трговски марки во Канцеларијата за интелектуална сопственост во Велика Британија. Имињата најверојатно би се користеле за телефони, а станува збор за P300, P400 и P500. Исто така, ова претставува разлика од двата броја користени досега во името на Р-Серијата на компанијата за flagship телефоните од високата класа.

Именувањето на телефоните на Huawei беше малку збунувачко во минатото, додека сериите P и Mate беа логични. Во 2017 година, P10 го замени P9, а следната година Huawei се определи за P20 наместо за P11, што на крајот нè доведе до сегашниот модел P30.

Останува да се види што компанијата има во план по P300 моделот, а Huawei би можел да се одлучи и за сосема други називи за наредната серија на телефони.извор: USB.mk

Кинескиот производител продолжува да го шири својот удел на пазарот на смартфони и покрај проблемите со санкциите од страна на САД. Втората половина од годината се очекува да биде уште подобра за Huawei, кој уште еднаш ќе се обиде да достигне рекорден број на продажба.

Клучен фактор во популарноста на нивните смартфони е кинескиот пазар, каде компанијата има многу силни позиции. Влијанието на Huawei во земјата дури го погоди и Qualcomm, пишува Digital.bg

Излегува дека доминацијата на Huawei на кинескиот пазар им овозможува да го прошират својот удел на штета на ривалските брендови како Xiaomi, Oppo и Vivo. Овие компании се основни партнери на Qualcomm и ги користат процесорите од серијата Snapdragon.

Самиот факт дека тие продаваат помалку смартфони значи и нарачка на помалку чипови и има негативен ефект врз Qualcomm, пренесува GizmoChina. Ова е причината за помалите приходи на Qualcomm оваа година.извор: USB.mk