Технологија

Samsung својата нова сензор камера од 64MP ја претстави во мај, а веќе знаеме кој производител на телефони ќе биде меѓу првите што ќе го имплементира овој сензор. Во прашање е Redmi, подбренд на Xiaomi, кој на својата Weibo страница веќе објави пример фотографии создадени од оваа камера.

Сликата не укажува конкретно дека се работи за сензорот на Samsung, но со оглед на временската рамка најверојатно тоа ќе се случи. Сензорот на следниот телефон Redmi  ќе може да произведува 16MP фотографии при услови на слаба осветленост, а во ова ќе помогне Tetracell технологијата.

Веројатно ќе постои и 64MP toggle опција за користење на сите пиксели, но ова се препорачува само во услови на добро осветлување.

Исто така, се очекува подобрен автофокус и можност за снимање на Full HD видео @480 fps.

Quad Bayer ќе овозможи HDR во реално време, што значи дека новиот Redmi телефон ќе биде опремен со бројни функции на полето на камерата./denar.mk

Asus наскоро ќе го претстави најмоќниот Android телефон во светот!

Најпрво, уредот ќе доаѓа со новиот Snapdragon 855 Plus – екстремна верзија на Snapdragon 855 со моќни и брзи перформанси. Само поради него, ROG Phone 2 ќе доаѓа со 4% подобри целосни и 15% подобри графички перформанси. Се разбира, бидејќи станува збор за гејмерски смартфон, овие подобрувања дефинитивно се добредојдени. 

Според бенчмаркинг резултатите, Asus ROG Phone 2 ќе биде многу помоќен од низа други Android уреди, како OnePlus 7 Pro, Galaxy S10 Plus и слично. 

За гејмерското искуство да биде уште подобро, на предната страна ќе се наоѓа голем, 6.6 инчен AMOLED панел, а батеријата ќе биде од неверојатни 6 000 mAh./gsm.mk

Во бескрајната трка за креирање на најголемиот телевизор на светот, новиот модел на отворен простор сака да ја понесе ова титула следната година.

Австралиската компанија „C Seed“ штотуку го претстави својот најнов телевизор за екстериер, 301 модел кој со леснотија ќе ја однесе титулата за најголем телевизор на светот кога идната година ќе се најде на продажба. Креиран од супер лесен карбон и титаниум, овој модуларен телевизор ќе има гигантски 301 инч во дијагонала.

Сепак овој телевизор не е само голем туку ветува дека ќе емитува кристално чиста слика без оглед на временските услови, благодарение на своите неверојатни и екстремно импресивни спецификации. Со осветленост од 4.500, константно од 4.500:1 и 48-битна длабочина на бојата ќе може да видите што точно се случува на екранот дури и доколку телевизорот е изложен на директна сончева светлина. Речиси четири милиони ЛЕД диоди ги обработуваат податоците за фотографиите до 100.000 секунди, дозволувајќи му на овој телевизор да покажува 281 трилион бои. Исто така овој телевизор има HDR технологија, поддршка за 4К видео и доаѓа со звучен систем од шест широкопојасни звучници и три субвуфери со излезна сила од 2.700 вати.

Колку и да се убави овие спецификации, најпримитивниот детаљ на овој телевизор е неговата компактност тогаш кога не е во употреба. Единицата само за дваесет и пет секунди се појавува од својот складишен простор со притискање на едно копче и се шири до своите максимални димензии за потоа за дополнителни четириесет секунди да се отвори и лед панелата, а потоа да се заклучи во место за да се формира беспрекорен екран. Со уште едно притиснување на копче, телевизорот се собира и се пакува во своето куќиште.

Инаку, 301 моделот не е првиот „C Seed“ гигантски телевизор за екстериер затоа што оваа компанија веќе сега продава модели со дијагонала од 201 и 144 инчи Сепак овој најнов модел ќе чини околу 1.5 милиони долари и дури сега е достапен да се нарача./tocka.com.mk

Samsung Electronics Co., Ltd., светскиот лидер во развиени мемориски технологии, денес објави дека започна со масовно производство на првиот индустриски 12-gigabit (Gb) LPDDR5 мобилен DRAM, кој е оптимизиран за подобрување на 5G и Вештачката интелигенција во идните смартфони. Новата мобилна меморија доаѓа само 5 месеци по најавата на масовната продукција на 12GB LPDDR4X, целосно зацврстувајќи ја премиум линијата на меморија на компанијата. Воедно, Самсунг планира да започне со масовно производство на 12 гигабитни (GB) LPDDR5 пакети кон крајот на месецот, секој пакет вклучува осум од 12-те Gb чипови, по барање на растечката потреба на смартфони со повисоки перформанси и капацитети од премиум произведувачите на смартфони.

„Со масовното производство на 12Gb LPDDR5, креиран на последниот втора-генерација 10-нанометри (nm) процес од Самсунг, сме возбудени што можеме да го поддржиме лансирањето на 5G смартфони за нашите клиенти низ цел свет,“ порача Јунг-бае Ли, извршен заменик претседател на DRAM Производство и Технологија, Samsung Electronics. “Самсунг останува целосно посветен на тоа брзо да ги претставува идните технологии на мобилни мемории што овозможуваат подобри перформанси и поголеми капацитети, како и продолжување во агресивниот развој на премиум пазарот за меморија.“

Благодарение тоа што во индустријата ги имаат најдобрите брзини и енергетска ефикасност, новиот мобилен DRAM на Самсунг може да им помогне на најдобрите смартфони од следната генерација целосно да ги искористат капацитетите на 5G и Вештачката интелигенција како ултра високото снимање на видео и машинското учење, зголемувајќи го животот на батеријата.

Со дата стапка од 5.500 megabits per second (Mb/s), 12Gb LPDDR5 е околу 1.3 пати побрз од претходните мобилни мемории (LPDDR4X, 4266Mb/s) кои може да се најдат во денешните најдобри смартфони. Во пакет од 12GB, LPDDR5 може да пренесе 44GB на податоци, или 12 целосно HD (3.7GB-големина) филмови, за само 1 секунда. Новиот чип користи до 30% помалку енергија за разлика од неговите претходници интегрирајќи нов дизајн на колата со подобрени брзини, тренинг и ниско потрошувачки карактеристики кои гарантираат стабилни перформанси дури кога работат со многу големи брзини.

Со цел производствениот капацитет подобро да се менаџира и со повеќе флексибилност, Самсунг размислува за пренесување на производството на 12Gb LPDDR5 на својот Pyeongtaek кампус во Кореа наредната година, зависно од побарувачката од глобалните потрошувачи. По претставувањето на 12Gb LPDDR5 мобилен DRAM, Самсунг очекува да се развие и 16Gb LPDDR5 наредната година, со цел да го зацврсти конкурентната предност на глобалниот пазар за меморија./smartportal.mk

Аналитичката куќа Gartner објави извештај во кој се предвидува дека во 2023. година, 51 проценти од продадените смартфони ќе бидат компатибилни со 5G технологијата. До овој заклучок се дошло по анализата која ги опфаќа плановите на мобилните оператори за имплементација на 5G инфраструктура и сервис во следните години.

Некои производители веќе понудија 5G уреди, но моментно нивниот процент е многу мал. Тие уреди ќе имаат удел од само 6 проценти во однос на вкупниот очекуван број на продадени телефони во 2020. година. Од друга страна, глобалниот пазар на мобилни телефони ќе биде во благ пад. До крајот на оваа година се очекува дека ќе бидат продадени вкупно 2,2 милијарди телефони, за следната година прогнозиран е пад од 3,3 одсто годишно.

Причина за тоа е што во следните години не се очекува никаков значаен напредок во новите функционалности кај смартфоните, а тоа е главниот продажен двигател во последните неколку години. Со други зборови, се очекува дека времето на употреба на купениот телефон во наредниот период ќе биде подолг отколку во сегашниот период. извор: USB.mk

Според сајтот LetsGoDigital, LG поднесе четири патент апликации кон KIPRIS за идните паметни телефони G-G10, G20, G30 и G40.

Апликациите се поднесени на 7 јули и може да укажуваат на можна промена во нумерирањето на паметните телефони во серијата, која може да ја користат шемата од линијата V. Претходно сличен потег беше направен и со серијата К.

Според холандската страница, корејците веројатно ќе ги презентираат своите нови модели околу февруари следната година.

извор: USB.mk

Експертите користат индикатор за ризик, како што е нивото на радијација на SAR. Кои се телефоните од 2018. година кои претставуваат најголем ризик за здравјето, ќе ги дознаете во следните редови.

Нивото на SAR зрачење е показател за стапката на апсорпција на електромагнетното зрачење од човечкото тело. Иако овој метод на тестирање беше измислен во 1996-та година кога немаше паметни телефони, денес се користи и како критериум за влијанието на мобилните уреди врз човечкото тело.

Уреди со највисока оценка за SAR се сметаат за потенцијално поопасни. Сите телефони одат низ таков тест за да се осигурат дека штетното влијание е под одреден праг.

Врз основа на показателите за радијација, експертите ги идентификуваа најопасните модели од 2018-та година.

Лидерските позиции во ова рангирање се за два уреди на Google – Pixel 3 XL и Pixel 3. Првата тројка се затвора со OnePlus.

LG V40 се наоѓа во оваа неповолно рангирање, така што го зазема четвртото место. На петтото место се два модели на Applе – XS Max и XS.извор: USB.mk

Samsung на годишно ниво поднесува барања за голем број патенти кои можат или не мораат да се најдат на идните уреди на компанијата или технологии. Овој пат, јужнокорејскиот гигант патентираше ефективни решенија за обезбедување на најголема можна површина на екранот на теелфонот, кој е можно да се смести во џеб.

Пријавата за патент дизајнот ја поднесе Samsung Electronics, кон крајот на 2018. година, кај KIPO (Korean Intellectual Property Office). Патентот е одобрен кон крајот на мај, а објавен е јавно на 24. јуни оваа година.

Во рамките на патентот се наоѓаат и 14 скици, на кои е можно да се види модерниот дизајн на уредот, со таканаречениот edge дисплеј на компанијата Samsung. Специјална карактеристика на овој модел е што може да ја прошири ширината на телефонот, по што површината на екранот се зголемува за околу 50 проценти.

Со оглед на тоа дека се работи за дизајн патент, не постои детален опис, кој дава одговори на прашањата, како ваквиот смартфон ќе се користи. Фотографиите покажуваат дека екранот од десната страна е зголемен, додека флексибилниот дисплеј останува заштитен од екстерните влијанија.

Она што се истакнува кај дизајнот е и punch-hole системот за камера, кој е сместен во средина на горниот дел од екранот. Тоа значи дека овој дел од екранот нема да може да се поместува. Патентот не споменува колку леќи на камерата се користат, а за потребите на 3D рендерите, сајтот LetsGoDigital се определи за системот кој Samsung моментно го применува на своите премиум модели.

извор: USB.mk

Galaxy Watch серијата е стара речиси една година, што значи дека Samsung наскоро ќе ја обнови со нови модели..

Познати како Galaxy Watch Active 2, новите модели ќе изгледаат речиси исто со нивните претходници. На предниот дел ќе се наоѓа истиот дисплеј со минимални рамки околу него, како и алуминиумска конструкција. Од друга страна, овој пат часовникот доаѓа со неколку мали, но значителни промени кои ќе го направат директен конкурент на Apple Watch.

Како што може да се забележи на фотографиите, еден од уредите ќе има црвена рамка околу Powеr копчето. Иако на прв поглед изгледа како да нема значење, целта на црвената боја е полесно да се разликуваат LTE од WiFi моделот – исто како кај Apple Watch. 

Покрај оваа мала промена во дизајнот, Samsung има направено и неколку внатрешни промени, особено фокусирајќи се на фитнесот и здравјето на корисниците. Повторно слично како Apple, Watch Active 2 ќе доаѓа со ECG. Целта на оваа апликација ќе биде да забележи доколку пулсот на сопственикот е променет – побрз или поспор од нормално. Истотака, ќе има и Fall Detection. Оваа функција, како што кажува самото име, ќе може да забележи доколку корисникот падне или се сопне.

Претставувањето на Galaxy Watch Active 2 го очекуваме на 7 август, истовремено со Note 10 уредите. 

Мобилните телефони неретко ни се мократ, некогаш од дожд, кога ќе паднат во вода, ќе истурите вода врз нив.

Експертите имаат неколку совети за да го спасите мобилниот телефон кој ви паднал во вода, а најважно е да регирате брзо. Веднаш извадете го телефонот од вода и прво исклучете го за да не се направи краток спој. Извадете ги батеријата и сим картичката и исушете ги сите делови со хартија. На овој начин ќе ги сочувате контактите од сим картичката.

Користете правосмукалка за да ја извлечете течноста која можеби останала во телефонот. Телефонот ќе биде сув за  околу 30 минути. Правосмукалката држете ја на одредена оддалеченост за да избегнете статички електрицитет кој може да го оштети телефонот.

Не го сушете мобилниот со фен за коса. Ова е голема грешка, оти фенот само ја става водата подлабоко во телефонот наместо да ја извлекува. Водата допира до електронските делови од телефонот и ги оштетува. Ставете го телефонот во кеса со ориз, оти оризот ќе ја апсорбира преостаната влага. На крај ставете го телефонот на сонце. Држете среќа кога ќе го вклучите да работи./ USB.mk