Спорт

Нејмар прави се само да си замине од ПСЖ, тоа го потврди и тренерот Тухел кој призна дека Бразилецот на крајот од минатата сезона му рекол дека не сака повеќе да игра за тимот и дека сака да се врати во Барселона.

Проблем за Каталонците се парите, немаат, единствено што би можеле да понудат се играчи, Кутињо и Дембеле, плус 40 милиони, наводно Захави ја донел таа понуда, но Парижаните ја одбија. Од играчите само ги интересира Умтити, тој чини околу 60 милиони, останатото Барса би морала да го плати, што е невозможна мисија. Се разбира, останува варијантата Кутињо да се врати во Ливерпул, Дембеле да си оди во Баерн, но сето тоа е комплицирано, прашање е колку Каталонците ќе имаат време да ги релизираат тие трансфери и потоа да го откупат Нејмар.

„Мундо Депортиво“ денеска пишува дека Бразилецот се согласува и на други солуции, дека преку некои агенти понуден е на уште неколку клубови во Европа. Прво Реал, но тие не го сакаат, поточно Зидан, иако Перез ја смета маркетинската страна на работата. Исто така, Реал би можел со продажбата на играчи да собере пари, но, изгледа дека мали се шансите тоа да се случи ова лето.

Баерн нема навика да ги плаќа играчите толку, иако нив по заминувањето на Рибери и Робен би им бил потребен Нејмар, а Јувентус исто така нема пари, тешко е да се верува, и да имаат, дека би ги вложиле во Бразилецот. Нивната мета ова лето беше Погба, а тој е поефтин од Нејмар.

Единствениот кој би можел да си го дозвили Нејмар е Манчестер Јунајтед. Но, Солскјер има други планови, на крајот тој ќе потроши околу 250 милиони евра, доколку пристигне Мегваер и Бруно Фернандес или евентуално Сергеј Милинковиќ Савиќ. Ги купија Ван Бисака и Џејмс, а изгледа дека трошење на нови 200 милиони во играчи не е реално.

Нејмар има малку опции, ќе ја чека Барселона, но каталонските медиуми и понатаму се сомневаат, по доаѓањето на Гризман и поради односот на Барса и ПСЖ дека трансферот ќе биде реализиран.

Даниеле Де Роси одлучи да продолжи да игра фудбал, но нема да остане во Серија А, изборот паднал на Бока Јуниорс.

Легендата на Рома, Даниеле Де Роси е на добар пат да стане засилување на Бока Јуниорс.

Тој имаше понуди од Фиорентина, Болоња, Лос Анџелес и од јапонски клубови, но Бока Јуниорс ја добива трката по неговиот потпис.

Според „Кориера дело Спорт“, Де Роси се очекува во петок или сабота да отпатува во Буенос Аирес каде треба да биде комплетиран трансферот.

Тренерот на Пари Сен Жермен, Томас Тухел призна дека одамна е свесен за намерите на големата ѕвезда на тимот и најскап фудбалер во светот Нејмар. Германецот призна по контролната со Динамо Дрезден, освоена 6:1 од францускиот шампион, дека повеќе од еден месец е свесен дека Бразилецот не сака да игра на „Парк де Пренс“.

Дури и пред да замине за националниот тим на земјата, напаѓачот имал средба со Тухел и тој јасно открил какви се неговите намери.

„Дали знаев дека Нејмар сака да замине? Да, го знаев тоа пред Копа Америка Да, сè меѓу нас двајца е повеќе од јасно. Сега тој мора да ја реши оваа ситуација со клубот. Тоа е работа меѓу нив. Сега работиме со него“, изјави Тухел.

„Додека некој играч е во мојата гардероба, тој е мој фудбалер и јас работам со него, морам да се прилагодам на ситуацијата, тој исто така мора да се прилагоди. Не знам што ќе се случи, но додека тој е во тимот и тој тренира со него, тој е мојот фудбалер и јас сметам на него“, додаде Тухел.

Раководството на Манчестер Јунајтед ги зголеми претензиите за Пол Погба, пишува „Марка“ во денешното издание.

Според шпанскиот весник, „црвените ѓаволи“ инсистираат за 200 милиони евра, за да го ослободат од обврските светскиот шампион.

Од „Сантијаго Бернабеу“ ја сметаат цената за лудило и надвор од рамки на нормалното под сегашните услови.

На 8 август затвора трансфер пазарот во Премиер лигата и по овој датум е малку веројатно од Јунајтед да се согласат на договор за еден од лидерите во составот.

Опциите на „лос бланкос“ за привлекување на Ван де Бек и Кристијан Ериксен стануваат се пореални со оглед на високите барања од „Олд Трафорд“.

Германецот пристигна во 2015. година на Енфилд и оваа сезона успеа да го доведе Ливерпул до титулата во Лигата на шампионите, а во англиската Премиер лигата остана без титулата поради заостанувањето од само еден бод зад Манчестер Сити.

Од своето доаѓање во Ливерпул, Клоп ги собра симпатиите на навивачите на овој тим, а и Руни призна дека фантастично ја работи својата работа.

Јирген е тренер за кој секој професионалец би сакал да игра – вели поранешниот играч на Јунајтед и додава:

Можете да кажете по неговите играчи колку им е забавно со него. Го запознав неколку пати, тој е фантастична личност. Неговата единствена грешка е што работи во Ливерпул и таму има успеси.

Имам голема почит кон Јирген Клоп и она што досега го направи. Не само во Ливерпул туку и во Дортмунд. Ги има најдобрите години пред себе – додаде Руни.

Матијас Де Лихт вчера вечер слета во Торино.

Јувентус победи во трката за еден од најбараните фудбалери во овој момент. Како и што се најавуваше после пристигнувањето, Де Лихт утрово ги поминува медицинските прегледи.

Де Лихт пристигна во медицинскиот центар на Јувентус, а таму го чекаа и навивачите кои јасно го покажаа своето воодушевување од неговото пристигнување. Покрај навивачите на едно од видеото може да се забележи и дека во медицинскиот центар на Јувентус е присутен и неговиот агент Мино Раиола со кого Де Лихт се поздрави.

Енис Барди почна со тренинзи со Леванте за следната сезона, а македонскиот репрезентативец во меѓувреме беше поврзуван и со преселба во Еспањол. Сепак, Барди е максимално фокусиран на обврските кон Леванте, покажувајќи лојалност кон клубот што го донесе во „Ла Лига“.

„Почнавме со напорна работа, лично можам да кажам дека едвај чекам да ја почнам и третата сезона со Леванте. Одлично сум примен од првиот ден во овој клуб. За млад играч е многу важно од самиот почеток да му биде олесната адаптацијата, како што тоа беше случај со мене во Леванте. Јас сум благодарен поради тоа и сакам да возвратам со нови добри партии“ – порача македонскиот ас.

Кога станува збор за клупските амбиции, желба на Барди е Леванте да не се бори за опстанок до самиот крај на сезоната како што тоа беше случај минатата сезона.

„Желба ми е да бидеме подобри од лани, да имаме помирна сезона и да не се тресеме до самиот крај за прволигашкиот опстанок. За среќа, минатата сезона се извлековме, очекувам во новата сезона да бидеме уште подобри“ – истакна Барди.

Новиот менаџер на Челзи, Френк Лампард, смета дека на тимот не му се потребни никакви нови засилувања за успешна сезона 2019/2020. Како што е познато, англискиот клуб има забрана за трансфери од ФИФА до следното лето.

Лондонскиот тим пристигна денес во Јокохама, каде во петокот ќе играат контролна средба како дел од нивната пред-сезонска подготовка, против јапонскиот шампион Кавасаки .

– Наследив многу добри играчи. Свесен сум дека не можеме да земаме нови во оваа година, но не сметам дека имаме таква потреба. Задоволен сум од составот со кој располагам. Верувам дека ќе имаме успеси. Имам свој план за дејствување. Работиме заедно една недела, и јас сум многу задоволен од ставот на играчите и од квалитетите што ги покажуваат, прокоментира Лампард.

Челзи ова лето се раздели со Еден Азар – негова најголема ѕвезда во последниве години, кој отиде во Реал Мадрид.

Баерн Минхен изгуби голем дел од својот сјај во медиумите по заминувањето на познати играчи како Хамес Родригез, Френк Рибери, Ариен Робен, Матс Хумелс и Рафиња.

Станува збор за придонесот на играчите преку социјалните мрежи. Анализата на „Спортбазер“ покажува дека напуштањето на овие играчи довело до загуби од 89 милиони евра за најуспешниот германски клуб.

Баерн ги изгуби не само своите ѕвезди, туку и амбасадорите, бидејќи познатите играчи ја исполнуваат оваа функција на социјалните мрежи Фејсбук, Твитер и Инстаграм преку нивните профили, кои имаат милиони следбеници.

Заминувањето на Хамес Родригез го чинеше Баерн 68 милиони евра, бидејќи репрезентативецот на Колумбија е исклучително популарен кај навивачите на интернет. Матс Хумелс, кој се врати во Борусија Дортмунд, генерирал 8,8 милиони евра годишно на Баерн во социјалните мрежи.

Рибери и Рафиња носеле вкупно 11,9 милиони евра. Ариен Робен не користи социјални мрежи и затоа неговото напуштање не носи никакви загуби во клубот. Така вкупните загуби на Баварците се проценуваат на 88,7 милиони евра.

Во извештајот се вели дека трите нови засилувања на Баерн, Лука Ернандез, Бенџамин Павар и Јан-Фите Арп воопшто ја немаат истата тежина во интернет просторот, бидејќи тие ќе донесат на клубот само 1,9 милиони евра.

Сè може брзо да се промени ако тимот од Минхен го купи Лерој Сане од Манчестер Сити, бидејќи репрезентативецот на Германија е магнет за навивачите.

Македонскиот шампион Шкендија попладнево (17 часот, Национална Арена „Тодор Проески“) ќе го заверува пласманот во второто коло во квалификациите за Лигата на шампионите за да закаже спектакл со шкотскиот великан Селтик во следната рунда, а за такво нешто ќе им треба да ги одбранат естонските 1-0 против Номе Калју.

Тетовци се апсолутни фаворити и сѐ освен денешен нов триумф би било изненадување, сооглед дека и на гостувањето доминираа фудбалски, имаа посед на топка, се закануваа, но немаа реализација. Триумфот над Номе Калју за Шкендија ќе значи и официјално веќе сигурни 1,2 милиони евра награда после само седум дена на европската сцена, што е одличен приход за најдобрата екипа во земјава веќе втора сезона по ред.

„Имаме предност од 1-0, но максимално сконцентрирани ќе мора да го одиграме и овој меч со Номе Калју, зашто во фудбалот секогаш има изненадувања и таа предност не мора ништо да значи од првиот меч. Очекувам победа и пласман во следното коло“, најави тренерот Ќатип Османи.

Тетовци веќе извесно е дека и денеска ќе истрчаат со истите сили против естонскиот тим во овој реванш и дека ќе се потрудат до полувреме да ја завршат работата, меѓудругото и да сочуваат сили за пресметката со Селтик веќе следната недела. Естонците на првиот меч не покажаа премногу на фудбалски план, освен што добро се бранеа и цели 80 минути одолеваа на нападите на црвено-црните.