Здравје

Главоболките се релативно чест проблем, а за некои луѓе и секојдневна тегоба. Постојат 3 типа на главоболки – тензична, кластер главоболка и мигрена.

Еден од првите чекори при појавувањето на ваквата тегоба е соодветен внес на вода – дехидратацијата може да биде причина за тензични главоболки и мигрена.

Магнезиумот е исто така добро помошно средство кај мигрената – едно истражување покажало дека 600 милиграми магнезиум-цитрат дневно ја ублажува зачестеноста и интензитетот на мигренските главоболки. Меѓутоа, оваа количина на магнезиум може да предизвика и дијареа, така што не треба веднаш да почнувате со толкава доза.

Студиите покажуваат и дека витамините од групата Б, поточно Б2, Б6, фолна киселина и Б12, можат да ги ублажат симптомите на главоболка. Во облик на суплемент може да се зема и коензимот Q10 – истражувањата покажуваат дека земањето на 100 милиграми коензим Q10 дневно може да ја ублажи зачестеноста, траењето и интензитетот на мигрената.

Недоволниот сон (помалку од 6 часа ноќе) исто така е чест причинител на главоболки, па затоа квалитетниот сон е од клучна важност за нивна превенција.

Храната со висока содржина на хистамини како што се тврдите сирења, ферментираната храна, пивото, виното, чадената риба и чадените месни преработки можат да предизвикаат мигрена кај лицата кои се склони кон главоболки. Затоа, избегнувањето на овие намирници може да помогне во превенција на овој тип на главоболка./plusinfo.mk

Летото е идеален период во исхраната да вклучите што повеќе овошје и зеленчук. И додека препораките за жените се исхрана богата со железо и калциум, за мажите им се препорачува исхраната да биде богата со намирници богати со протеини и калории.

Зошто боровинките се идеални и за мажите и за жените, а најмногу за децата? Тоа е така бидејќи се богати со витамини А, Б и Ц и со антиоксиданси кои го чуваат менталното здравје и мозокот од оштетување. Особено се благотворни за срцето и метаболизмот, бидејќи го успоруваат стареењето на мозокот и го подобруваат ноќниот вид.

Со редовното консумирање боровинки мажите го намалуваат ризикот од појава на дијабетес тип 2, бидејќи помага во регулација на нивото на шеќер во крвта. Боровинките се богати и со растителни влакна и протеини.

Хранливите состојки го намалуваат ризикот од неуродегенеративни болести, болести на срцето и рак. Токму затоа се препорачува да ги јадете секој ден и тоа најмалку колку што збира во една дланка.

Боровинките обилуваат со антиоксиданси кои го подобруваат имунитетот со неутрализација на делувањето на слободните радикали. Со тоа се намалува штетноста на токсините кои влегуваат во организмот. Исто така, го штитат уринарниот тракт од инфекции, го прочистуваат и спречуваат влез на бактерии.

Се сеќавате кога баба ви велеше дека треба почесто да јадете зрнеста храна? И кога намрштено одбивавте да ја јадете леќата која мајка ви ви ја зготвила? Тие времиња одамна завршија. Всушност, завршија во оној момент кога вагата покажа плус 5 килограми токму пред да тргнете да одмор, а крвната слика со прекор гледаше кон вас небаре е Белиот Зајак од Алиса во земјата на чудата велејќи ви дека мора веднаш нешто да направите со железото во крвта. Повеќе нема изговори дека понудата во маркетите ве саботира, бидејќи брендот Сончева Долина донесе на рафтовите вкусни и здрави производи.

Зад секој производ што го гледаме над рафтовите се крие приказна, онаа почетна идеја и крајна цел поради која е создаден. Сончева долина како македонски бренд може да се пофали со плејада производи кои ги следат тековните препораки за здрава храна, истите целосно прилагодени на брзиот животен стил. И тука повторно се враќаме на зрнестата храна – знаете ли дека нутриционистите ги нарекуваат зрнеста магија на модерниот живот? Тоа се должи на фактот што изобилуваат со протеини, хранливи влакна,витамини и минерали, а имаат малку калории и масти. Океј, формулата е откиена, тука се криела тајната за совршено тело. А ако ви кажеме дека личностите што јадат порција мешунки во еден оброк, веќе во наредниот внесуваат 12% помалку калории?

Да, да, веќе го имаме вашето внимание. Земете го на пример гравот на Сончева долина богат со есенцијални амино киселини, калиум, калциум, фосфор, железо, магнезиум, цинк и натриум. И да, во 100 грама има само 78 калории. Засукајте ги ракавите и фрлете се на омиленото тавче гравче. Секако тука е и леќата – црвена и зелена, полна со протенини, без нималку масти. Да не должиме, наместо да се двоумите дали мастите, протеините и калориите ви се синхронизирани, размислете да внесете зрнеста храна во вашето мени.

Сончева долина ќе се погрижи за разновидноста на истите, како не би ви здодеале, а на вас останува да го извадите стариот тефтер со рецепти од баба, силно да ја дувнете прашината и да се фрлите на готвење! Еве и корисен линк од кој може да се испирирате http://www.soncevadolina.mk/cookbook/index.html#/0

а секој од нас му се случило макар еднаш во животот да ужива малку повеќе на сонце, па уживањето да премине во неудобно и болно чувство на изгореност. 

Во тие ситуации се користиме најчесто со совети од нашите мајки и баби, најчесто со народни лекови кои ќе ни помогнат побрзо да се смири изгорената кожа – кисело млеко, течна бела пудра, гелови на база на алое вера…

Но, во продолжение ви презентираме уште неколку совети околу тоа што НЕ треба да правите кога ќе изгорите на сонце, а на кои можеби никогаш не би се сетиле или ви изгледаат како неважни!

Користите паметни телефони или таблет

Многу од луѓето ги носат нивните паметни телефони или таблет на плажа, за да можат да читаат некоја добра книга, на пример. Но, можеби и не е добро да го правите тоа. Студија од 2015 година објавена во „Journal of the American Academy of Dermatology“ покажа дека рефлексијата од ај-пад апаратите го зголемува УВ зрачењето и до 85 проценти во само еден час, додека ајфоните можат да го зголемат зрачењето до 36 проценти. Ако веќе сте изгореле, ова е последно што ви треба!

Се туширате со топла вода

Кога сте биле подолго време изложени на сонце, кожата често се суши. Дури и ако ви изгледа дека топлаа вода може да биде добра за вашата исушена кожа, со неа само ќе си направите проблем, односно ќе го пролонгирате закрепнувањето на кожата. Врел туш на врела кожа никако не оди. Од друга страна, ладната вода можеби ќе ви биде непријатна при туширањето , но кога сте изгорени од сонцето, ќе ви помогне да се чувствувате многу подобро. 

Пак на сонце

Без разлика на тоа колку ставате крема за сончање со заштитен фактор, најлошата работа што можете да ја направите за вашата кожа откако ќе изгорите е да се вратите повторно на сонце. Ако пак, морате да бидете надвор, тогаш ставете заштитен фактор 30+, носете облека со долги ракави и повисоки околувратници и бидете сигурни дека сте ги покриле деловите што се изгорени. Седете под сенка и не појавувајте се без шапка. 

Парфеми

Сочувајте ги парфемите, доколку сте изгореле на сонце. Колонските води и парфемите содржат состојки кои ве прават поподложни на горење. Маслата од бергамот можат да предизвикаат многу лоша реакција на кожата особено во комбинација со сонцето. Есенцијалните масла пак, како она од рузмарин или лаванда, можат да ја направат кожата уште почувствителна на сончеви зраци.

Шминка

Ако сте биле на мисла да одите на плажа со шминка, а претходно сте изгореле, размислете повторно. Шминката може да ја „запуши“ кожата, што може да доведе до болна реакција, а не заштита. Единствениот начин на кој можете да ѝ помогнете на кожата е да ја оставите да дише. Нечистите сунѓерчиња и четки само ќе ја зголемат алергиската реакција или можат да предизвикаат инфекција. 

Не ставате заштитен фактор

Тоа што ќе ставите заштитен фактор еднаш и потоа мислите дека нема веќе потреба, може многу повеќе да ја оштети кожата отколку да не ставите воопшто, вели студија од 2006 година од „University of California Riverside“. Заштитните креми вршат одлична работа против зрачењето и горењето на сонце, но доколку се користат правилно. Ова значи дека крема со висок фактор на заштита не ја аплицирате доволно добро, туку само површно, значи дека сонцето, односно УВ зрачењето ќе продре во епидермисот на кожата и потенцијално може да направи повеќе штета отколку корист. 

Премногу ставате заштитен фактор

Не помага ако одите и во друга крајност. Ако имате меурчиња како последица на изгореници, тогаш заштитната крема не е добра идеја, бидејќи треба да се остават да дишат, во спротивно кожата ќе се изиритира./fashionel.mk/

За поголемиот дел од луѓето станувањето рано е многу потешко отколку останувањето до доцна навечер. Сите знаеме колку е добро чувството кога ќе ги извршиме сите обврски пред да започне денот, но тоа очигледно не е доволна мотивација кога алармот наутро ќе заѕвони, а вие се чувствувате исцрпено.

Легнете порано

Иако се чини очигледно, за важноста на раното легнување неопходно е редовно да се говори. Ако останете подолго будни, помала е веројатноста дека ќе се разбудите свежи наутро. Во кревет легнувајте барем 7 и пол часови пред алармот. Не само што ќе бидете наспани, туку и ќе се разбудите во правилниот циклус од сонот.

Излезете на сонце

Отворете ги сите прозорци или излезете колку можете порано на светло бидејќи тоа му дава на телото сигнали дека е време за будење.

Мотивирајте се

Ако сакате да станете „утринска личност“ ќе ви биде полесно ако тоа е средство за постигнување на цел, а не цел. Најдобро е за промена на навиките и однесувањето да се фокусирате како на патување за сопствен развој и трансформација.

Испланирајте ги обврските уште рано наутро

Ако имате потешкотии да се мотивирате кога ќе станете, натерајте се преку утринскиот план. Ако направите план однапред за денот кој е пред вас и ги земете в обзир сите околности, постои веројатност дека ќе го започнете денот со позитивен начин на размислување.

Будете се секој ден во исто време

Колку се подоследни вашите навики, толку подобро вашето тело ќе се навикне на нив. Одењето во кревет и будењето секој ден во исто време го регулира биоритамот на телото, што олеснува навечер полесно да заспиете и наутро полесно да се разбудите.

Лавандата е популарна поради својот освежувачки и смирувачки мирис, пред сè. Постојат над 30 видови од оваа билка, а во зависност од тоа варира и нејзината висина и големината на листовите.

Освен што служи како средство за миење на лицето и телото – таа е главна состојка на многу купки, тоници за лице, серуми за лице, шампони за коса и останати препарати, таа лекува и ублажува многу тегоби.

Лавандата ја негува кожата, ги смирува иритациите и се користи за чистење на рани.

Доколку патите од мигрена и главоболки, капнете неколку капки масло од лаванда на вата и втријте го на слепоочниците, челото, вратот и зад ушите.

Доколку сте склони кон депресивни состојби или имате срцеви тегоби, ставете 4-5 капки масло од лаванда на коцка шеќер и испијте го на празен желудник.

Доколку страдате од реума, масирајте ги болните места со масло од лаванда два пати дневно, по можност наутро и навечер. Мачкањето на масло од лаванда делува и како природна заштита од убоди од комарци и други инсекти.

Исто така, во просторијата во која што престојувате, оставете сад со масло од лаванда, особено навечер – со тоа ќе бидете заштитени од убоди од инсекти.

Ако редовно јадете малини ќе имате поубав тен, посилна коса, подобро дигестивно здравје и кардиоваскуларен систем, посилен имунитет и помал ризик од воспаление.

Ова вкусно бобичесто овошје има силни антиоксидантни својства. Тоа значи дека ги намалува ефектите на слободните радикали и така штити од рак на дебелото црево, дојка, грлото на матката, хранопроводникот и простатата.

Фитонутриентите во малината спречуваат ширење на клетките на рак, така што ги потикнува на апоптоза, односно самоуништување.

Двесте грама од ова овошје содржи препорачаната количина на витамин Ц. Богати се со влакна, фолна киселина, витамин К, E5, манган, магнезиум, бакар, калиум и омега 3 масни киселини.

Оние, чија исхрана е богата со малини имаат помал ризик да се здебелат и да се разболат од дијабетес. Кетоните во овие црвени плодови се одговорни за контрола на гликозата во крвта. Тие го потикнуваат метаболизмот на масти и ги намалуваат масните наслаги.

Внесувањето малини го активира хормонот адипонектин, од чиј недостаток страдаат луѓе од дијабетес тип 2. Адипонектинот ја враќа рамнотежата во крвта, го намалува ризикот од срцев удар и други болести кои го следат дијабетес тип 2.

Предноста на исхраната со малини е тоа што кожата ја прави поотпорна на штетните зраци на сонцето. За таа цел корисно е и маслото од малини кое одлично ја штити кожата, затоа што содржи високо ниво на омега 3 и омега 6 есенцијални масни киселини и витамин E. Се проценува дека заштитниот фактор на ова масло е помеѓу 30 и 50.

Освен за заштита од сонце, маслото од малини е добро и за нега на кожата. Особено за намалување на брчки, стрии, егзема, дерматитис и воопшто сите воспалителни состојби на кожата.

Не е лековит само плодот, туку и листот од малина. Чај од листот од оваа билка помага кај менструални грчеви, тешки крварења и вагинален исцедок. Се применува по породувањето, го забрзува закрепнувањето на матката и го стимулира производството на млеко. Овој чај може да се користи и за зајакнување на непцата, дезинфекција на крајниците, спречување на дијареа и заболувања на очите. Подготовка на чај: лажица лист од малина прелијте го со топла вода. Процедете по 10 минути и испијте го топол, две до три чаши на ден.Извор: denar.mk

Правилната исхрана е исклучително важна за правилна работа на мозокот. Недостатокот на одредени нутриенти во исхраната не само што влијае на нашето здравје туку и на правилното функционирање на мозокот.

Недостатокот на одредени витамини води не само до снижени когнитивни способности на мозокот, туку и до намалување на енергијата, па дури и до депресија.

Затоа, ако сакате да ја подобрите концентрацијата, да ја зголемите прoдуктивноста и способноста на учење, неопходно е да ги земате следните витамини.

Витамин Е

Овој витамин има важна улога во мозокот и во централниот нервен систем. Неуроните – клетки кои овозможуваат правилна комуникација помеѓу мозокот и остатокот од телото се изградени од холестерол и полинезаситени масни киселини до чие оштетување најчесто доаѓа со оксидација. Витаминот Е е моќен антиоксиданс кој ја штити структурата на неуроните од оксидација. Бадемите, лиснатиот зеленчук, сончогледовото масло и лешниците имаат големи количини витамин Е.

Витамини Б комплекс

Помеѓу поважните соединенија за правилна работа на мозокот се и витамините Б. Комплексот на витамини Б подразбира витамини B1 (тиамин), B2 (ниацин), B5 (пантотенска киселина), B6 (пиродоксин), B7 (биотин), B9 (фолна киселина) и B12 (кобаламин) кои заедно играат витална улога во одржувањето на правилна работа на мозокот. Се смета дека губењето на помнењето кај постарите лица е предизвикано од недоволно внесување на витамини Б комплекс.

Б витамините му помагаат на мозокот да го оствари својот полн потенцијал – не прават енергични, позитивни и фокусирани на дневна база а долгорочно ја подобруваат меморијата и здравјето на мозокот.

Витамин Д3

Овој витамин е еден од најдобрите суплементи кои можете да ги земете ако сакате да ја зголемите концентрацијата. Покрај тоа, овој витамин е заслужен и за правилно функционирање на нервите и повеќе од стотина различни телесни процеси.

Најдобар извор на витамин Д3 се млекото и млечните производи како и животинското месо поради што дефицит на Д3 најчесто се појавува кај вегетаријанците и веганите./artkujna.mk

Наместо да ги фрлате семките од лубеница, искористете ги на едноставен начин и претворете ги во вкусни и здрави грицки кои се како создадени за лето и за диети

Речиси сите делови од лубеницата се јадливи – и белиот раб покрај кората и семките кои се вистинска ризница на здравје доколку се приготват на правилен начин.

Белиот дел можете да го одвоите од надворешната кора, да го исечете на коцки и да го ставите во вок да го приготвите во некоја мешавина од зеленчук наместо краставица или можете да го киселите како што го правите тоа со краставичките за зимница.

Семките пак ги содржат сите нутриенти потребни за нормално функционирање на човековиот организам од протеини, здрави масти, витамини и минерали, а особено се богати со витамин Е – еден од нутриентите кои многу луѓе не го внесуваат доволно.

Вкусот им е јаткаст, а можете да ги приготвите во добро загреана тава со малку зачини за само 2-5 минути и да ги додадете во салата, во гранола или на тост.