Занимливости

Британското кралско семејство бара нов готвач, кој би се приклучил на нивното домаќинство, стои во оглас на сајтот на Бакингемската палата.

Работното место би му било во палатата, а од него се бара да прави храна по највисоки стандарди. Иако не е јасно наведено за кои членови на кралското семејство би работел готвачот, се верува дека неговите задолженија би се однесувале на целото семејство, бидејќи во описот на работата стои дека би патувал и во други кралски резиденции.

Платата изнесува нешто помалку од 24.500 евра годишно, а од кандидатите се очекува да подготват разни менија за широк спектар на настани, да работат со квалитетни состојки и да се приклучат на остварен тим од професионалци.

Во огласот во Бакингемската палата стои: “Како што би очекувале, стандардите тука се високи, така што ќе мора да бидете амбициозен и квалификуван готвач”.

Можеби имате некое претходно искуство, но вашата способност и ентузијазмот се пресудни да ни ги пружите услугите во сите сегменти на кујната. Најдобро работете во тим, а со своите вештини за комуникација и прилагодливост ќе уживате во работата со своите колеги.

Важно е да им посветите внимание на деталите, да ги испочитувате роковите и да обезбедите храната да се доставува на време. Палатата истакнува дека најважно е да се покаже ентузијазам и способност да се претставите во сите сегменти на кујната.

Краен рок за пријава е 28-ми јули и тоа пет минути пред полноќ.

Бакингемската палата е место каде се одржуваат важни државни банкети, меѓу кои била и вечерата со американскиот претседател.

Поранешниот шеф на кујната на кралското семејство Дарен МекГрејди, кој 15 години работел за кралското семејство, претходно открил дека кралицата сака да патува со внимателно спакувана ужинка.

Во интервју за “Harpers Bazaar”, тој открил дека кралицата секогаш при рака ја држи својата омилена чоколадна торта. Оваа торта редовно се подготвува во Бакингемската палата, а кралицата секој ден јаде по едно парче.

Меѓутоа, кралицата одбива да открие кое е нејзиното омилено јадење, за да избегне постојано да го јаде.

Речиси секој Балканец сигурно барем еднаш од страна на своите родители ја слушнал добро познатата реченица: “Тебе ти е тешко да станеш за на училиште, а јас во мое време сум пешачел 20 километри по снег до колена”.

И додека ваквата реченица нам нѝ звучи интересно, во некои земји ваквото сценарио е вистинито. На социјалните мрежи се појавија фотографии од еден основец кој на патот кон своето училиште секојдневно се соочува со сериозни препреки за навреме да стигне на настава. 

Имено, на патот помеѓу неговиот дом и училиштето се наоѓа река на која нема мост, поради што секој ден ова дете влегува во пластична вреќа преку која неговиот татко го пренесува од еден брег до друг, а сè со цел детето да пристигне на настава суво и чисто.

Како што пренесуваат локалните медиуми, тој внимателно го сместува детето во вреќата, по што влегува во вода и трпеливо го остава на другиот брег. Истата постапка ја повторува и во текот на враќањето на детето од училиштето.

На овој начин, тој но и многу други деца во Виетнам секое утро пристигнуваат на настава во точно време.

Гестот на овој татко ги воодушевил корисниците на социјалните мрежи, а повеќето кои ја виделе објавата навеле дека се надеваат дека детето знае да го цени трудот на неговиот татко кој секое утро се погрижува тој да пристигне на настава и да се образова./tocka.com.mk

Овој аеродром е популарна туристичка атракција.

На драматичната снимка се гледа моментот кога авионот слетува на неколку метри над главите на туристите на популарниот остров во Грција.

Авионот на “British Airways” бил снимен на аеродромот Скијатос во Грција додека се приближувал до пистата, пренесува “Independent”.

Аеродромот на Скијатос е популарна туристичка атракција, а туристите чекаат на патот покрај пистата за да ја доживеат несекојдневната авантура.

На снимката се гледаат туристи кои морале да се сокријат додека авионот слетувал, поради што се претпоставува дека ова е најниско слетување некогаш на овој аеродром.

На ова место постојат и предупредувања на кои пишува дека не треба да се приближувате до пистата, а сите кои одат на овој популарен остров не пропуштаат можност да направат опасно и во исто време возбудливо селфи со авионот./tocka.com.mk/

Џон Ленон e легенда, чија работа и живот не престануваат да нè инспирираат ни до ден-денес. Успехот на Ленон и неговиот бенд, ги направи Битлси херои, особено Џон Ленон. Тој беше свесен за тоа колку е инспиративен и влијателен, па го искористи тоа за да праќа позитивни пораки на светот. Неговиот став којшто се залагаше за мир и револуционерниот звук се противеа на секаков вид насилство. Со неговите текстови и заразни мелодии, Ленон успеа да допре до срцата на неговите фанови, пренесувајќи им ја пораката за мир.

Тој допре до милиони, а неговата музика сè уште ги поттикнува луѓето да зборуваат против сè она што е погрешно во општеството и да продолжат да се борат за подобар свет. Прочитајте 15 од неговите најпознати пораки.

„Сè што ви треба е љубов.“

„Не можеме да им помогнеме на сите, но сите можат да помогнат некому.“

„Сè што треба да направиме е да ја одржиме надежта жива. Бидејќи без неа ќе пропаднеме.“

„Ако не можеме да се сакаме самите, не можеме целосно да ги отвориме нашиот капацитет за љубов кон другите и нашиот потенцијал за создавање.“

„Среќата се наоѓа во вас, не во друга личност.“

„Мирот не е нешто што се посакува. Тоа е нешто што се создава, нешто што се прави, нешто што сте вие и нешто што се поклонува.“

„Сè ќе биде добро на крајот. Ако не е добро, не е крај.“

„Животот е она што се случува додека сте зафатени правејќи планови.“

„Замислете сите луѓе да живеат во мир. Можеби ќе кажете дека сум сонувач, но не сум единствениот. Се надевам еден ден ќе ни се приклучиш и ти и светот ќе биде како едно.“

„Кога не можам да пеам од срце, можам да го кажам тоа што ми е на ум.“

„Не ви треба никој за да ви каже кои сте и што сте. Вие сте тоа што сте!“

„Сè е појасно кога сте заљубени.“

„Верувам дека времето ги лечи сите рани.“

„Грешката е само пропуст. Таа станува грешка само доколку не успеете да ја поправите.“

„Да ги задоволите сите е невозможно. Ако успеете во тоа, ќе завршите во средина каде што никому нема да му се допаѓате. Сè што треба да направите е да донесете одлука за тоа што мислите дека е најдобро и да го направите.“

Инстаграм-блогерката, Лори Фејт сакаше драстично да ја промени бојата на својата коса од сина во бела, во видео во живо.

Следачите веднаш забележаа дека косата почнува да ѝ паѓа, но токму во тие мигови, Лори го прекина видеото. Сепак, таа подоцна го објави целото видео за да покаже како станала ќелава.

Мешавината од хемикалии за што побрзо менување на бојата била преногу јака за нејзината коса.

Фактите од типот: Кога сте станале од спиење, колку време поминавте во тоалет, што сте зготвиле, дали партнерот се напил во кафана или ви подарил нови чевли, дали децата ви се најубави или не, како сте го преуредиле станот, дали сите мажи се завртеле по вас денес, се факти кои, драги мои, не мора да ги расфрлате пред поширок аудиториум.

Со појавата на интернетот, она што се чуваше зад затворени врати, она што се коментираше на кафе со најдобрата другарка или она што се подразбираше како секојдневен дел од животот, денес стана еден вид на статус. Отворањето на профил на социјалните мрежи многумина го поистоветија со добивање на членска карта во здружение на новинари или друштво на писатели.

Убаво ми велеше мајка ми…

Се сеќавате, мајките нѐ учеа дека своите радости и таги треба да ги споделуваме со најблиските. Тие нѐ учеа да бидеме дами – затоа што гардеробата и парите не се работи кои создаваат една дама. Дама е онаа која од куќата умее да направи дом, достоинствено да го носи секое парче облека на себе, да ги сочува семејните тајни, да воспита скромни и образовани синови и ќерки кои ќе дојдат до углед во општеството преку својата работа и убави манири. Тоа е подолгиот, но и посигурниот пат.

Ова се моите 5 минути

Кога ќе помислам да објавам нешто, прво помислувам: Дали се ова моите 5 минути? Дали поради тие неколку минути виртуелна слава треба моите пријатели, семејство и колеги да сносат последици за цел живот? Дали поради сликите во костим за капење ќе бидам одбиена на некое работно место? Дали моето дете во училиште ќе биде мета на исмевање поради тоа што јас сум ставала слики од него во неговото нокширче?

Дали мојот сопруг ќе биде исмејан и понижен поради статусот во кој се обидувам да ја подигнам мојата самодоверба со муабети за тоа како млади дечки се вртат по мене? Дали тие 5 минути вредат за сѐ што навистина вреди во нашиот живот?

Џентлменски/дамски договор

Мажите зборуваат за сѐ. Се фалат со своите успеси и „улови“. Мажот кој освојува е фраер, мажите и кризата на средновечни години – тоа се стереотипи со кои сме растеле.

Џентлменски договор секогаш подразбирал дека за приватноста не се зборува. Дамскиот договор никогаш не постоел, но изгледа треба да се состави. За нашите успеси другите треба да зборуваат, затоа што дури тогаш она што сме го правеле добива на вредност. Успехот на нашите деца е нивен успех. Нашето задоволство е од нив да создадеме вредни и чесни луѓе и да се гордееме со нив.

Кризата на средновечни години ги погодува и двата пола и лечењето на стравот од стареење не треба да биде јавна тајна – насмевката на маж во проаѓање, убав збор и комплимент, тоа се работи само за нашата душа. Мелем за сив ден, пеглање на душата со уште една брчка настаната од насмевнување, средената фризура и нокти треба да бидат само за нас, новата гардероба, машина за перење садови и автомобил – тоа се работи кои и треба да си ги дозволиме во средновечните години, затоа што можеме да си ги дозволиме, но не и да се фалиме со нив и со тоа да повредуваме луѓе кои не можат да си го дозволат тоа.

Размислете два пати

Да бидеме искрени, секогаш постоел феноменот на ширење приказни. Но, драги мои, тие приказни на крајот се како прашина која по топлото лето исчезнуваат носени од есенскиот ветар. Денес сѐ што објавувате станува јавна сопственост, датуми, лица, дури и она што сте го јаделе и пиеле тој ден останува како доказ против вас. Не можете да го порекнете она што сте го запишале.

Следниот пат кога ќе посакате да објавите приказна од приватниот живот прво помислете на тоа дали со тоа го кршите дамскиот договор. Размислете дали некој од вашите блиски ќе биде компромитиран со вашето пишување, дали некој ќе се почувствува повикан, дали тие неколку зборови кои сакате да ги напишете се повредни од вашето семејство, дом и деца?

Сетете се и на своите мајки и запрашајте се: што би рекла мајка ми кога би го прочитала ова? Дали би била горда на вас или би ви рекла дека не ве воспитала на тој начин? Почитувајте го дамскиот договор: луѓето нема да помислат дека не сте интересни ако умеете да ги чувате и своите и туѓото достоинство. Размислете два пати пред да објавите нешто. Верувајте дека вреди.

Пијани мажи кои со авион на компанијата “RyanAir” на 29-ти јуни патувале од Манчестер за Задар, предизвикале доцнење на летот бидејќи викале, ги игнорирале упатствата на персоналот и повраќале меѓу седиштата.

Патниците на летот кој инаку трае околу три и пол часа почнале да прават проблеми и пред полетувањето, па предизвикале негово доцнење. Како што пишува “Manchester Evening News”, летот од терминалот број 3 требало да одлета во 17:40 часот, меѓутоа на крајот полетал во 19:23 часот. Во Задар слетал во 23 часот. 

Меѓу 70-те патници на споменатиот лет се нашле и Анета Жуков и нејзиното момче Пјотр Несан, кои рекле дека повеќето патници патувале на фестивалот Хард Ајленд кој од 7-ми до 11-ти јули се одржува на плажата Зрче на островот Паг.

Непристојното однесување на пијаните патници било снимено, а како што пишува “Daily mail” на снимките може да се види како патниците викаат пијани. “Атмосферата во авионот беше слична како во ноќен клуб, само што немаше гласна музика”, рекла Жуков и додала дека тројца патници по слетувањето во Задар биле уапсени од полицијата.

“Како да бев во џунгла со диви животни. Тоа беше пекол. Најлош лет во мојот живот. Сосема одвратно. Викаа и скандираа, а персоналот не можеше да ги смири. Беа тотално надвор од контрола. Сосема неприфатливо однесување. Сите беа пијани. Персоналот им се закануваше со исфрлање од авионот. Очигледно беа пијани и пред да влезат во авионот. Никој во текот на летот не можеше да купи алкохол бидејќи тие беа премногу пијани. Грозно искуство”, додала таа.

Жуков некои од патниците ги видела и пред да се качат на летот. “Се возеа на своите куфери и пиеја во аеродромските кафулиња”, додала таа.

Болницата за диви животни во Велика Британија, пред неколку денови во својата ординација имала многу специфичен пациент.

Случајните минувачи на улица затекнале птица која не можела да лета.

Имала портокалова боја и сите мислеле дека наишле на егзотичен вид. Меѓутоа, се испоставило дека е во прашање обичен галеб – полиен со кари сос.

„Светло-портокаловиот галеб го спасиле минувачите кои го нашле на улица. Кога нè повикаа и рекоа дека нашле портокалова птица, немавме идеја што треба да очекуваме и никогаш не би помислиле на ова“, напишале претставниците од болницата на Фејсбук покрај фотографијата.

Како што навеле ветеринарите, карито било насекаде по перјата на несреќната птица и затоа не можела да лета.

„Не знаеме како дошо до ова, но за среќа, освен бојата и мирисот, беше здрав“, додале тие. Галебот сега се вика Вини, нормално по една врста на кари. Ветеринарите го избањале, и Вини сега повторно е сиво-бел./tocka.com.mk

На интернет кружи фотографија од Јамајка на која е јасно наведено дека доколку од океанот извадите полна кофа со отпад, во замена ќе добиете еден џоинт.

“Бесплатен џоинт за кофа полна со отпад”, е напишано на лист хартија на кој е нацртан лист од марихуана, џоинт и сонце. 

Покрај натписот, на фотографијата може да се забележи и тегла полна со џоинти, а во позадина се гледа сончева јамајканска плажа.

Сè уште не е познато кој ја покренал оваа акција, но сигурно е дека реакциите од интернет публиката се одлични. Фотографијата се појавила на Редит пред два дена, но оттогаш се “преселила” и на останатите социјални мрежи, каде корисниците со воодушевување ја споделуваат како пример за добра еколошка акција./tocka.com.mk

Шкотскиот остров Северен Роналдсеј објавил многу необичен оглас за работа.

Имено, бараат заинтересирани овчари кои ќе бидат убаво платени да чуваат редок вид на шкотски овци – оркни. 

Островот бара искусни овчари кои ќе внимаваат овците да останат во стадото, да јадат само планирана храна која можат да ја сварат, да бидат на безбедни локации и оддалечени од сите карпи кои се наоѓаат во близина.

Овчарите ќе бидат задолжени и да внимаваат на ѕидот кој го раздвојува природното живеалиште на овците од нивните на кои се одгледува храна за целиот остров. А бидејќи ѕидот е стар, овчарот ќе биде задолжен и да го поправа.

Се работи 35 часа неделно, а платата е 24,473 евра.

При прифаќањето на работата, идните вработени ќе мора да останат три години во работен однос за ѕидот во целост да биде поправен, а бројот на овци да се зголеми.