Бредли Купер не мора да ги ангажира своите актерски таленти во новото видео за Мерцедес Г-Класа, затоа што веќе 20 години е возач на германскиот супертеренец. Овојпат сепак е малку различно, Г 580 вози исклучиво на струја.
Филмот почнува со сцени во коишто спектакуларно се укажува на традиционалните вредности на Г-Класа. По авануристичките сцени од возењето по предизвикувачки терен, Гелендевагенот се појавува во градска средина. Намерата е на тој начин да се прикаже дека (и) електричната Г-Класа е подеднакво способна и за теренот и за асфалтот, односно ги урива предрасудите.
Според создателите на видеото, филмот прикажува визија што треба да ги поведе луѓето да појдат по свој пат – без страв дека ќе потклекнат. Холивудската суперѕвезда Бредли Купер веќе со години е возач на Г-Класа и со неа своевремено пристигна на светската премиера на електричната Г 580 во Лос Анџелес.
„Г-Класата близу 20 години е дел од мојот живот. За мене таа отсекогаш била повеќе од автомобил: Таа е придружничка во секоја авантура“, вели Бредли Купер, актер, режисер и продуцент.
Мерцедес-Бенц во почетокот на годинава ја претстави Г 580 со Технологија Е-Ку како прва целосно електрична изведба од иконскиот теренец. Сега следи почетокот на продажбата и на испораките, што ќе биде придружено со светска кампања, во којашто носечки дел е видеото со Бредли Купер.
Музичката заднина ја сочинува нова интерпретација на познатата песна „Еинт Ноу Маунтин Хај Инаф“. Оригиналот на песната им припаѓа на Николас Ешфорд и Валери Симпсон.
Кампањата што оди во светски рамки почна на 13-ти сепември. Видеата ќе се појавуваат и на друштвените мрежи и на ТВ, а ќе има и објави во печатени медиуми.
