39
Полицијата евидентира уште една злоупотреба на туѓи лични податоци за земање на брз кредит.
ОВР Радовиш поднесе кривична пријава против Ц.С.(48) од Битола, поради постоење основи на сомнение за сторени кривични дела „злоупотреба на лични податоци“ и „измама при добивање кредит или друга погодност“.
На 8 мај 2023 година, пријавената од С.Б. од селото Раклиш, на социјална мрежа обезбедила негови лични податоци од лична карта и платежна картичка, за да му бидат наводно исплатени 300 евра, но истата ги искористила неговите податоци заради подигнување на брз кредит. Неодамна и тетовка која барала донации за болно лице, беше злоупотребена, односно наместо донација, на сметката легнал брз кредит кој измамникот го земал.
