Биткоинот вчера достигна нов рекорд, надминувајќи ја вредноста од 80.000 долари. Порастот на вредноста на биткоинот дојде во пресрет на претседателските избори во САД, а се зголеми во изборната ноќ, кога стана јасно дека Доналд Трамп победува, а продолжи да расте и по неговата победа.
Оваа година, биткоинот забележа пораст од 80%, надминувајќи го растот на индексот S&P 500, кој порасна за 25,7%. Иако накратко ја премина границата од 80.000 долари, Биткоинот вчера се тргуваше малку под тоа ниво во текот на денот, пренесува CNN.
Крипто индустријата ја гледа победата на Трамп како позитивен знак за биткоинот и другите дигитални валути. Иако Трамп во минатото беше скептичен за биткоинот, нарекувајќи го „заснован на воздух“, тој го промени својот став во последните месеци, за разлика од администрацијата на Џо Бајден, која се обиде да ја зголеми регулацијата на криптовалутите.
