Усман Дембеле одби трансфер во последните моменти од зимскиот преоден рок и ќе остане во Барселона додека не му истече договорот ова лето. Откако одби да потпише нов договор, челниците на шпанскиот клуб му соопштија дека најдобро е да си најде нов клуб во јануари.
Иако Французинот имаше неколку понуди од Премиерлигата, а во игра беше и ПСЖ, тој на крајот реши да ги одбие понудите.
Ваквата одлука ептен ги налути челниците на Барселона, кои сега размислуваат да му го раскинат договорот на фудбалерот, пишува „Мундо Депортиво“. Тоа би значело дека Дембеле нема да може да игра фудбал до почетокот на следната сезона.
Сепак, дел од медиумите најавуваат дека Чави ќе го врати Дембеле во конкуренција за натпреварите во Ла Лига, но прашање е колку минути ќе добие. Прашање е како на сето тоа ќе реагира Жоан Лапорта, кој е крајно лут на Дембеле, кој повторно му наштети на клубот бидејќи зимава одби да си замине.
