Home » Атентаторот на Фицо можеби не дејствувал сам, вели словачки министер

Атентаторот на Фицо можеби не дејствувал сам, вели словачки министер

by Журнал.мк

Вооружениот напаѓач кој се обиде да го убие словачкиот премиер Роберт Фицо и притоа тешко го рани во нападот во средата можеби не дејствувал сам, изјави владин претставник.

-Има индиции дека човекот не дејствувал сам. Составивме истражен тим кој ќе работи и на верзијата дека не се работи за волк-самотник – изјави министерот за внатрешни работи Матуш Шутај-Ешток во Братислава.

Една од индициите е дека содржината на Фејсбук страницата на напаѓачот била избришана додека тој бил во полициски притвор, бидејќи тој самиот немал пристап до страницата во тоа време.

Инаку, словачката полиција обвини маж идентификуван од обвинителството како Јурај Цинтула за обид за убиство.

Локалните медиуми објавија дека тој бил 71-годишен поранешен чувар кој работел во трговски центар и автор на три збирки поезија кој основал литературен клуб во своето мало место во близина на местото каде го изведе нападот.

Осомничениот за нападот на словачкиот премиер во саботата пред судот ја призна вината.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More