Се чини дека iOS 19 (според новите информации iOS 26) ќе содржи функција која ќе им овозможи на корисниците лесно да го префрлат својот eSIM од iPhone на Android, без потреба од вмешување на телекомуникацискиот оператор.
Менувањето на мобилен телефон наскоро би можело да стане уште поедноставно, барем кога станува збор за пренос на eSIM. Како што дознава Android Authority, Apple работи на нова функција што ќе им овозможи на корисниците да го префрлат својот eSIM од iPhone на Android уред, без да мораат да го контактираат својот оператор.
Имено, во кодот на iOS 19 е пронајден траг на функција наречена „Transfer to Android“ („Пренос на Android“), која ќе биде интегрирана во поставките на уредот. Таа ќе функционира така што ќе се генерира QR-код што ќе може да се скенира со Android уред, по што eSIM профилот автоматски ќе се додаде. Сепак, оваа функција ќе биде достапна исклучиво на уреди кои користат iOS 19 или понова верзија на системот.
Иако ова можеби нема да има големо значење за корисниците во Европа, треба да се има предвид дека сите понови iPhone уреди што се продаваат во САД немаат физички слот за SIM-картичка и користат исклучиво eSIM. Тоа значи дека, доколку американски корисник на iPhone сака да премине на Android, мора да го контактира својот оператор за пренос на eSIM профилот.
Повеќе информации за оваа функција се очекуваат на годишната конференција на Apple – WWDC, која ќе се одржи од 9 до 13 јуни.
