– Во хотел Панорамика денеска ќе се одржи анализата на законската рамка и институционалните капацитети на локалните инспекциски служби за заштита на животната средина.
Анализата има за цел да даде прецизен преглед на состојбите и предизвиците во вршењето инспекциски надзор на локално ниво, кој е од особено значење за граѓаните, но и за единиците на локалната самоуправа во земјата. На настанот како говорници ќе земат учество Данела Арсовска, Градоначалничка на Град Скопје и Претседател на ЗЕЛС, Дарко Блинков, Државен инспекторат за животна средина и Југослав Ѓоргиевски еден од авторите на анализата. Модератор на настанот ќе биде Жарко Хаџи-Зафиров од Центарот за правни истражувања и анализи. Свои поздрави обраќања ќе имаат Даниел Браун, официјален претставник на Фондацијата Конрад Аденауер, Христина Оџаклиеска, заменик министерка за животна средина и просторно планирање и Горица Наџинска, Центар за правни истражувања и анализи. Презентацијата на анализата е во организација на Фондацијата Конрад Аденауер и Центарот за правни истражувања и анализи.
